Komin helgi;)

Hæ elskurnar

Komin helgi en og aftur, tíminn ekkert smá fljótur að líða og sumardagurinn fyrsti í næstu viku. Mér finnst svo stutt síðan ég sagði, vá maður, bara komin september, og nú er apríl. Ekki nema von maður ruglist þegar maður er spurður um aldur " 20 oooggg, nei heyrðu 31.

Á morgun er það söngskólinn og ballett. Elís Viktor á að syngja inn á dvd disk og Lísa María að æfa fyrir ballettsýningu sem nálgast óðfluga, nóg að gera. Ellý vinkona ætlar að kíkja í heimsókn núna um helgina, það verður samt - glóðarsteikti Akureyringurinn að þessu sinn, hann kemur seinna með henni. Ég er mikið að spá í að skella mér á skauta með börnin um helgina, skemmtum okkur svo ótrúlega vel síðast. Ef það verður ágætis veður um helgina væri ég líka alveg til í Fjölskyldu og Húsdýragarðinn, hann stendur alltaf fyrir sínu. Svo að sjálfsögðu verður það sunnudagaskólinn, á sínum stað eins og vanalega.

Ég hlakka ekkert smá til að gefa börnunum sumargjafirnar sínar í næstu viku, ætla gefa þeim hjól. Þau vita ekkert af því, eru alltaf að koma með nýja og nýja óskalista sem breytast dag frá degi, ég læt sem ekkert sé. " Já, ég skal taka það til umhugsunar, þið verðið svo bara að bíða og sjá hvað þið fáið". Þau er alveg að sálast úr forvitni, enda börn mömmu sinnar sem er yfir forvitningurinn, ef það orð er til.

Það getur verið ef ég hef tíma núna um helgina, að ég skelli inn nokkrum myndum. Annars segi ég bara góða helgi elskurnar

Athugasemdir

[Silla Ísfeld, 14.4.2007 kl. 01:26]

Bíddu nú aðeins róleg elskan mín, "Elísabet stutthærða" . Það er ekkert skemmtu þér vel um helgina neitt, ég hitti þig á morgun, ég verð að fá að sjá. Púki geturðu verið, ég er rétt nýbúin að sleppa orðinu að ég sé yfir forvitlingurinn, svo kemurðu með e-h svona. Heyri í þér á morgun elskan mín.....