Föstudagur 20 Október.2006

Hæ hæ

Nú er undirbúning stóra dagsins lokið, átti að vera 3-4 tíma en var 5 tíma, endalaus töf á öllu. þegar ég var alveg að verða búinn, var hringt í mig frá leikskólanum hjá Elís Viktor, þá var hann kominn með gubbupest. Lauk öllu því sem þurfti að ljúka á einu augabragði, með því að ota mínum tota, enda barnið mitt orðið lasið. Afboðaði alla vinnu í gær, náði í barnið mitt og fór heim. Ég er vön að ná í Lísu Maríu um 4 í Tígrisbæ, gerði það ekki einu sinni, hringdi bara og lét senda hana heim. Enda ekkert langt fyrir hana að fara, mér finnst bara betra að ná í hana. Næ yfirleitt fyrst í Elís Viktor, hann er í leikskóla í öðru hverfi og svo í Lísu Maríu, það er leiðin heim.

Annað, þetta er pabba helgi en þar sem barnsfaðir minn ætlaði að lifta sér aðeins upp, ákvað ég að vera með börnin. Fara með þau í söngskólann og ballettinn á morgunn svo tekur hann við þeim um hádegið. Við stelpurnar sem æfum saman, ætluðum út að borða annað kvöld en ein okkar kemst ekki, þannig við ætlum að bíða með það til betri tíma. Sem er svosem ágætt, ég þarf að gera svo mikið fyrir mánudaginn. Þarf að fara í Kringluna og Smáralyndina gera sitt lítið af hverju á hvorum stað fyrir sig. Ætla vera ótrúlega dugleg á æfingu núna um helgina. Reyna gefa mér tíma í að finna húsgögn. Stofan mín er ennþá nánast tóm, ég hef ekki haft tíma til að fara í búðir, jú ég fór í Egg og nýju Ikea búðina, fann ekkert. Ætla fara aftur í egg og skoða aðeins betur stofuborðin. Ég sá líka geðveik listaverk þar eftir Helmu, þau eru SJÚK. Ekki það að ég sé að leita mér málverki, mér finnst bara gaman að skoða þau. Ég get svarið það, ég ætlaði ekki að komast framhjá þeim, þau eru ÆÐI. Fyrir utan þetta veit ég ekkert hvað ég ætla að gera um helgina, ég er opin fyrir öllu. Kemur í ljós.....

Ætla að láta þetta gott heita, góða nótt elskurnar.....