Fimmtudagur 9. nóvember.2006

Hæ elskurnar

Vá það er ekkert smá brjálað veður. Var að koma heim af tónleikum sem haldnir voru í Grafarvogskirkju til styrktar Barna og unglinga geðdeildinni. Að sjálfsögðu mætti ég, þar sem ég vinn í þessum geira. Tónlistamennirnir sem komu fram gáfu allir vinnuna sína. Þetta voru svo e-h séu nefndir Stebbi Hilmars, Eyjólfur Kristjáns, Magni, Raggi Bjarna og fleiri. Það var ekkert smá gaman á þessum tónleikum, það var endalaus húmor og fullt af óvæntum atburðum. Nema hvað, þegar tónleikarnir eru búnir, er komið þetta brjálaða veður. Það munaði engu að ég fengi að gista hjá mömmu og pabba. Ég bý náttúrlega uppi á hæð, eins og þið vitið og það er ekkert sem skýlir vindinum. Vindurinn hérna uppi er geðveikur stundum. Ég tókst 2 sinnum á loft síðasta vetur í brjáluðu veðri, ÉG ER EKKI AÐ GRÍNAST. Ég ríg hélt mér í handriðið svo ég fyki ekki niður tröppurnar. Ég er talsvert léttari núna en í fyrra, þannig það er eins gott að reyna halda sér innandyra í brjáluðu veðri .

Annað fór í tásuneglur í dag og næ í galakjólinn minn á morgunn í styttingu. Þá ætti allt að vera tilbúið fyrir árshátíðina sem er á næsta leiti. ´

Annað mikið rosalega eru dekk undir bílinn dýr. Ég lét setja vetrardekkin undir bílinn í gær. 2 dekkjana voru orðin frekar þreytt þannig ég þurfti að kaupa 2 ný. 2 ný dekk, og að láta setja 4 dekk undir bílinn, 23.000 krónur. Er þetta ekki geðveiki. Við erum bara að tala um 2 dekk, svo átti ég 2 heil dekk. En þar sem ég er mjög mikið í umferðinni, verður öryggið að vera í fyrirrúmi, þannig ég pungaði þessu út, þegjandi og hljóðalaust. Mér fannst þetta nú nokkuð dýrt, verð að viðurkenna það.

Jæja elskurnar ætla fara lesa svo að sofa. Föstudagurinn 10. nóvember, flottur dagur...... Góða nótt elskurnar