Sunnudagur 26. nóvember. 2006

Hæ elskurnar

Jæja þá er ég sest við þetta blessaða tölvuapparat aftur, ætli hún fuðri ekki upp í þetta skifti. Ekki kæmi mér það á óvart..........

Yfir í allt annað, vitiði hvað tók á móti okkur þegar við komum í söngskólann í gær????? DRAUGUR!!! Nei ekki alveg rétt hjá ykkur. Jólatré og fullt af jólaskrauti, það ííískraði í mér. Ég er eins og smákrakki, ég fæ alveg kitl í magan, hendurnar og fæturnar. Og verð bara verri eftir því sem nær dregur jólum.

Annað, ég fékk símhringingu um kl. 9 í gærmorgunn. Hæ ástin mín, hvað segir jólabarnið. Þetta var Elísabet vinkona, börnin að horfa á teiknimyndir og við að nota tækifærið að blaðra í símann. Sniðugar mömmur. Enda blöðruðum við úr okkur allt vit.

Annað, Elís Viktor fór í dvd tökur í gær og gekk alveg ágætlega. Ég fékk nú samt alveg þokkalegan hnút í magann, þegar ég lá á hleri og heyrði hann ruglast á textanum. Þegar Guðrún Árný söngkennarinn hans Elís Viktors kom fram, hlammaði hún sér í stól og sagðist vera alveg sveitt. Þá hafði Elís Viktor stokkið af pallinum, ( börnin standa á pall, til að sjást betur í mynd) og ætlað að sjá sig í sjónvarpinu. Aumingja Guðrún Árný, allt í einu ekkert barn á pallinum. Ég sprakk úr hlátri þegar hún sagði mér frá þessu, þetta er ekta Elís Viktor. En tökurnar náðust fyrir rest, ég hlakka rosalega til að sjá þetta.

Annað, nú er ég alveg steinhætt að reyna klippa son minn, hann er eins og fló á skinni. Ég hef oft klippt hann og aldrei verið eins sátt við hárið á barninu, en þegar ég er búin að klippa hann. En hér eftir fer ég með hann á stofu. Ég var að reyna klippa hann á föstudaginn, svo hann yrði nú fínn í dvd tökunum. Alltaf um leið og ég var komin með skærin í hausinn á honum, og þau byrjum að býta, hreyfði hann hausinn. Þið getir rétt ímyndað ykkur útkomuna. Á meðan ég var að reyna halda krakkanum á stólnum og klippa hann í leiðinni á 01. Hló mamma svo mikið, hún átti erfitt með að standa í lappirnar. Hún er einn mesti stríðnispúki sem ég veit um. Ég náði að redda þess aðeins. Ég ætla samt að láta mér þetta að kenningu verða og fara með hann á stofu hér eftir.

Annað, á morgun ætla ég að byrja lyfta aftur. Ég er bara búin að vera brenna. Ég finn, ég þarf að fara finna e-h fyrir mér aftur, get ekki bara drollað svona í ræktinni, er ekki vön því og ætla ekki að venjast því. Mér finnst ég ekki vera gera neitt, þegar ég er bara að brenna. Fer rólega af stað, já ég veit. Ætla nú ekki að eiga það í hættu að fá ofvirku frænku mína, stormandi frá Noregi til að taka mig í gegn, hún var búin að hóta mér því. Ég var með markmið í gangi sem ég ætlaði mér að ná fyrir jól. Ég get ennþá náð því og ætla mér að gera það. Þannig á morgun hoppa ég beint inn í markmiðið mitt, harkan sex og koma svo. Ekki séns að klikka á markmiði sem ég er búin að setja mér. Enda er ég ekki að klikka á einu né neinu, þurfti bara að fara mér hægt í fimm til sex vikur, það eru komnar fimm. Ég er kom sjálfri mér á óvart, hversu dugleg ég er búin að vera að passa mig. En nú er þetta komið gott.  Ég morkna ef ég fer ekki að hreyfa mig almennilega, ég er ekki vön þessu að fara mér svona hægt. Ég ÆTLA að byrja lyfta aftur á morgunn, það þyrfti heilan her til að stoppa mig, ég er svo ákveðin........... Bara varlega, já ég veit.......

Annað jæja, ég náði að blogga heilt blogg án þess að tölvan fuðraði upp Enda tók ég engan séns í þetta skiftið og vistaði bloggið reglulega og mun gera það framvegis. Allur er varinn góður þar sem ég og tölvurnar náum ekkert alltof vel saman, ég get samt ekki án hennar verið. Nú ætla ég að láta þetta gott heita elskurnar og halda áfram með dagin, með börnunum mínum.

Heyri í ykkur elskurnar.......