Miðvikudagur 29. nóvember.2006

Hæ elskurnar

Nú er fröken Sleeping Beuty komin á fætur. Ég veit ekki hvað er að gerast, búin að sofa 2 sinnum yfir mig í þessarri viku. Ég er vön að vakna með bros á vör 6.45 á hverjum virkum morgni, og er alltaf á réttum tíma allstaðar. Nema þessa 2 daga í þessarri viku. Sveimérþá, ég þyrfti helst að fá loftvarnarflauturnar til að vekja mig, eða lúðrasveit Íslands og strengjakvartetinn með. Talandi um að vakna með bros á vör. Lísa María er eins og ég, vaknar alltaf í góðu skapi, nema í morgunn. Hún fór ekki öfug fram úr rúminu, ég held hún hafi farið á hvolfi. Þar sem þetta er ekki venjan hjá henni, hlaut að vera e-h að. Þannig ég gaf mér tíma til að setjast niður með henni( þrátt fyrir að vera ótrúlega sein) og ræða málin. Þá hafði henni dreymt leiðinlegan draum( ekki beint martröð), sem sat ennþá í henni. þetta lagaðist í hvelli eftir að hafa rætt um drauminn og smá mömmuknús með, það bjargar öllu.

Annað, mig langar að deila með ykkur póst sem ég fékk sendan í gær..........
Hæ mér finnst mjög mikilvægt að þetta komistáfram!!!
Það eru eflaust einhverjir sem ekki eru nógu sleipir í dönskunni þannig
að ég ætla að skrifa hérna á Íslensku svona nokkurn veginn hvað er verið
að tala um!

Úti í danmörku og eflaust fleiri löndum eru menn byrjaðir að nota 2 lyf
til þess að nauðga konum. Annað heitir Rohypnol og er svokallað
"nauðgunar lyf" og virkar þannig að manneskjan sem tekur það inn verður
mjög sljó og man yfirleitt ekki mikið, ef eitthvað, eftir því sem gerist
á meðan áhrifin standa. Hitt heitir Progesterex og er lítil pilla sem
fæst hjá dýralæknum og er frekar auðvelt að nálgast þetta lyf. Þetta lyf
er notað til þess að gelda hross. þetta nota nauðgarar til þess að
barna ekki stelpurnar sem þeir brjóta á. Versta við þetta allt saman er
að hver kvenkyns vera sem tekur þetta lyf getur aldrei eignast börn!!!
Verkunin af lyfinu er varanleg!!! Þessi lyf eru sett út í drykki hjá
stelpum og leysast lyfin mjög fljótt upp!!! Þannig að stelpur mínar í
guðana bænum passiði drykkina og passið upp á ykkur sjálfar.

Það er í alvöru talað ekki þess virði að vera að drekka sig blindfullar
þannig að þið getið ekki stjórnað aðstæðum og hættið að pæla í hlutunum
til þess eins að lenda í svona hryllingi!!!Endilega sendið þetta til
ALLRA sem þið þekkið!!!!

fékk þetta sent á maili - SENDUM ÞETTA ÁFRAM!


MUNIÐ kröfufundinn laugardaginn 25 nóvember!!!! þyngri dóma fyrir
nauðganir!

Þennan póst fékk ég sendan í gær og fannst brýn ástæða að deila honum með ykkur. Verum á varðbergi. Sorglegt en satt, þá hef ég haft þónokkra skjólstæðinga sem hafa lent í misnotkun. Þetta er ekkert annað en sálarmorð fyrir þær stelpur sem hafa lent í þessu, þessi orð eru síður en svo ofaukin........

Skiftum alveg um gír og förum yfir í allt, allt annað. Ég var að horfa á Jóa Fel áðan. Hann var að búa til humar e-h. Ég hef ekki ennþá smakkað humar. Það er búið að vera legni á stefnuskránni en aldrei gefist tækifæri. Mér finnst hálf glatað að hafa ekki smakkað humar, eins og mér finnst fiskur góður. Nú verður það eitt af áramótarheitunum 2007, að smakka humar áður en árið er allt. Ég hef smakkað þónokkuð margar fisktegundir, en ekki humar. Frekar glatað. Kippum því í liðinn árið 2007.

Annað, jæja nú eru 4 dagar þangað til við byrjum að skreyta. Ég var komin niðrí 4 daga um daginn, þegar það bættist heil vika við, þannig þá þurfti ég að telja aftur frá 10. En ekki núna, nú eru 4 dagar og því verður ekki breytt, ligga ligga láiiiiiiiiii.

Jæja, ætla fara lesa og sofa, nema ég hverfi á vit hugsana eins og síðustu kvöld. Alltaf áður en ég fer að sofa fer ég yfir daginn í huganum. Nema hvað, síðustu kvöld hefur það nú verið heldur meira. Það er svo gott, að liggja í kyrrðinni, allir sofnaðir og hugsa, leifa huganum að reyka................. Góða nótt elskurnar. ÉG ÆTLA AÐ VAKNA Á MORGUN..................