Sunnudagur 28. maí.2006

Þið smellið á fyrstu myndina þá koma þær allar. En vitiði hvað ég var búin að skrifa HELLING og hélt ég væri búin að senda það en var greinilega ekki búin að því. UUUUHHHHHUUUUUU ég missti allt út, það er hvergi. OOHHHHHHH er hægt að vera svona mikið TÖLVUNÖRD.............. Ég var búin að skrifa rosalega mikið. Ég skrifa helgina inn á morgunn.  

Sunnudagur. 28.maí. 2006

Hæ hæ!

Brjálað að gera um helgina, blogg og myndir koma seinna í kvöld;)

Föstudagur. 26.maí 2006

Hæ hæ!

Jæja nú er ekki seinna vænna en að mynda sér skoðun á því, hvern á að kjósa. Ég játa það hér og nú, ég er ekkert fyrir pólitík. Rreyndar finnst mér hún alveg drepleiðinleg og fylgist ekkert með henni, nema rétt fyrir kostningar, þá fer ég yfir öll þessi innantómu loforð og ath hvað henntar mér best hverju sinni og kýs það. Ég ætti að láta mig þetta varða og auðvitað skiptir hvert álit máli ég veit það, en bara sorry. Pólitíkin nær mér ekki eða ég ekki henni, hvernig sem við snúum því. .... Takk fyrir commentið Ellý mín með buxurnar, þú ert svo mikið æði. En ég veit nú bara ekki hvað ég var með í augunum eða hvort þau voru í hausnum á mér yfir höfuð þegar ég mátaði þær. Ég fór með systur minni í dag, hún þurfti ekki að segja múkk, lærin á mér voru eins og á fíl og rassinn innfallinn Ég hef nú aldrei lent í því áður að hafa innfallinn rass, hann er nú alltaf á sínum stað blessaður. En leitin heldur áfram að hvítum gallabuxum... Seinni partinn fékk ég Tuma vin Elís Viktors lánaðan (aftur) eftir leikskóla.  Lísa María fór til Rakelar sem er bekkjarsystir hennar og býr í hinum enda hverfisins, þannig maður þarf að skutla þeim á milli en yfirleitt er það ekkert  mál. Í gær áður en ég fór að sofa fékk ég flugu í hausinn og þá er nú ekkert aftur snúið. Flugan var sú að fara í Húsasmiðjuna þegar færi gæfist til ( sem var svo innilega ekki, ég var í kappi við tímann í allan dag, en þá lætur maður bara í 6 gír) og kaupa 2 barna hamra og leyfa strákunum að smíða. Ég er búin að rífa niður forljótu tré skóhilluna sem var frammi á gangi og þeir fengu svoleiðis að njóta sín við að negla hana sundur og saman. Mig langaði svo að leifa þeim að gera e-h svona stráka af því ég vissi að Lísa María yrði hjá vinkonu sinni og þeir myndu fá frið til að vera bara einir í sinni sköpun. Það beið hennar samt allskonar perlur sem hún gat þrætt og búið sér til hálsmen og armband, það hitti beint í mark. Tumi borðaði hjá okkur og fór svo heim um 8 eftir æðislegan dag. Ekki verður dagurinn síðri á morgunn. Það er búið að bjóða mér í tvö partí, ugla sat á kvissti.... Þá færð þú myndir Rakel mín híhíhí ég skal taka alveg nóg af myndum. Heyrumst á morgunn....

Fimmtudagur 25. Maí 2006

Hæ hæ

Ég verð að segja ykkur frá því, börnin fóru í heimsókn til pabba síns í dag. Venjan er að þau fari á miðvikudögum og svo aðrahverja helgi, nema í gær þá fór hann í smá hóf og við skiptum dögum, ekkert mál með það. Lísa María vildi endilega fá að taka dúkkuvagninn sinn með, allt í fína, hún fær það. Tíu mínútum eftir að þau fóru er mér lytið út um gluggan, þá eru þau ennþá fyrir utan og Ívar að berjast við að leggja vagninn saman. Eldrauður í framan bograndi yfir hann að reyna finna út hvernig þetta virkar. Ég missti mig, ég hló svo mikið. Ég veit ég er púki þið sem þekkið hann getið alveg séð þetta fyrir ykkur.... Yfir í annað. Á meðan börnin voru hjá pabba sínum notaði ég tímann og fór í kringluna... Loksins fann ég hvítar þröngar gallabuxur sem fita mann ekki um tíu kíló. Ég er búin að fara úr búð, í búð undanfarnar vikur og máta örugglega 15 hvítar gallabuxur. Ég fann þær í dag. Ég keypti þær að vísu ekki, lét taka þær frá og er búin að fá systur mína með mér á morgunn til að gefa mér annað álit. Það er ekki alveg hægt að treysta þessum afgreiðslustúlkum, þær segja allar það sama... jú ég myndi taka þær, ekki spurning, þú ert æðisleg í þeim. Hafiði heyrt afgreiðsludömu sem segir... nei þetta virkar ekki, þú lýtur út eins og tungl í fyllingu??? Nei ekki ég heldur, en þessar systur eru alveg frábærar allavega mín . Jæja eftir þetta fór ég í heimsóknir og heim um átta, börnin væntanleg innan tíðar. Á heimleiðinni sá ég einn FALLEGASTA REGNBOGA sem ég hef séð. Ég átti fullt í fangi með að reyna halda einbeitingunni við umferðina. Hann var svo skær og alveg heill, svo var annar ljósari fyrir aftan en hann var bara hálfur. Ég hef aldrei séð annað eins. Ber nokkuð á því að ég elska Regnboga, líka norðurljós. Ég er með langan hliðarglugga í stofunni hjá mér sem er gaflinn á húsinu, þið hafið séð hann. Ég á það til á veturna að sitja í stól og horfa bara á Norðurljósin á kvöldin og hlusta á góða tónlist það er æði. Ég er með svo gott útsýni að ég gæti alveg örugglega selt inn á það. Heyrumst á morgunn.

Miðvikudagur 24. maí 2006

Jæja vinir og vandamenn!

Það er mikið búið að ota því að mér að setja upp bloggsíðu og nú er hún komin. Eins og sést er þetta alger frumraun. Ég sit inní tölvuherbergi og er að reyna klóra mig í gegnum þetta, ég er svo mikið tölvunörd að ég kem sjálfri mér á óvart. Einföldustu skýringar verða flóknari en kínveska, hvað um það ég er fljót að læra, bíðið bara. Dagurinn í dag er búinn að vera mjög annasamur brjálað að gera á fundum og aukavinnu, sem er nú bara hið besta mál, því meira, því betra. Eftir vinnu náði ég í börnin mín. Á meðan börnin mín voru í skólanum og leikskólanum var ég búin að hringja í foreldra vina þeirra og ath hvort ég mætti ekki fá börnin þeirra lánuð fram að kvöldmat, það var ekkert mál, enda orðin vön því að fá svona símhringingar frá mér. Áður en ég vissi af var ég með 6 börn inni hjá mér. þið hugsið kannski aumingja hún... NAI það er sko ekki þannig. Við fórum í stoppdans og flöskustút þetta fíla ég í botn og þau líka eftir þetta höfðum við ávaxtastund, þau fóru út að leika, ég að kokka matinn, vinirnir tveir sem ég fékk lánaða sóttir, aðrir fóru heim til sín, svo bara þessi venjulega rútína sem þið þekkið, borða, baða, lesa, byðja bænir,sofa.... Eftir það er ég með stund fyrir mig, hlusta á tónlist og geng frá eftir daginn ásamt ýmsu öðru... Heyrumst á morgunn

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.