sillaisfeld

Hæ elskurnar Þetta var alveg frábær helgi, var búin að hlakka mikið til hennar og hún stóð gjörsamlega undir væntingum. Föstudagurinn var nokkuð rólegur, fór í heimsóknir, var svo bara komin snemma heim og sofnuð fyrir miðnætti. Á laugardaginn var ég komin snemma á æfingu, tók alveg þvílíkt á því. Eftir æfingu verslaði ég nokkrar jólagjafir, jebb ég er byrjuð á því. Börnin mín eiga bæði afmæli í desember, þannig það eru 2 barnaafmæli og að sjálfsögðu fá þau alltaf fallegar gjafir frá mömmu sinni, jólin og allar jólagjafirnar, jólamaturinn, flugeldarnir og áramótamaturinn, enginn smá pakki í desember. Til að halda geðheilsu yfir öllum fjárútlátunum hef ég valið að dreifa þessu, og vera helst búin með allar jólagjafir fyrir desember. Þetta hefur virkað mjög vel, þannig ég hef haldið þessu fyrirkomulagi. Svooo ég haldi nú áfram með laugardaginn, þá bauð Elísabet vinkona mér á árshátíð í vinnunni sinni sem haldin var á Gullhömrum. Það var casino þema, ekkert smá gaman, ég vann meira að segja 2 drykki á barnum, sem gerði þetta ennþá skemmtilegra. Elísabet var ekkert smá fín, hún hafði fengið Birtu í Juniform til að sauma á sig kjól, sem er eeekkert smááá flottur og hún að sjálfsögðu eins og drottning í kjólnum. Maturinn var æææðislegur, skemmtiatriðin frábær, hljómsveitin alveg snilld, kvöldið heeefði ekki getað verið betra. Við dönsuðum af okkur rassgatið eins og okkur einum er lagið þegar við förum út saman, eða öllu heldur fæturna í þetta skipti. Ég var orðin svo þreytt í fótunum undir lokin, var í opnum bandaskóm og fæturnir orðnir vel bólgnir af þreytu. Fæturnir sem eru að öllu jöfnu mjög nettir, voru orðnir þrefaldir ef ekki fjórfaldir. Ég lét það nú ekki stoppa mig, fór bara úr þeim og hélt áfram að dansa berfætt á dansgólfinu í fína galakjólnum mínum. Kvöldið var semsagt aaalveg magnað, takk innilega fyrir mig enn og aftur elsku Elísabet mín...... Svo má ekki gleyma henni Hiddu minni sem kom og farðaði okkur vinkonur, heima hjá mér, ekkert smá flott förðunin, við Elísabet erum ennþá að tala um hana. Takk fyrir Hidda mín, þú ert snillingur.... Sunnudagurinn fór svo í að versla aaaðeins fleiri jólagjafir, nota tækifærið á meðan börnin voru hjá pabba sínum. Þau komu svo heim um kl fjögur, skelltum okkur í heimsókn til mömmu og pabba. Jói bróðir var svo yndislegur að skipta um perur fyrir mig í ljósunum á bílnum, var aaalveg orðin ljóslaus. Nú sést ég vel og rækilega í umferðinni með öll ljós 100%..... Heyri í ykkur elskurnar....

 

 

Hæ elskurnar Frábær helgi að baki, við börnin fórum í mat til Ragnheiðar vinkonu á föstudaginn, æðislegur matur og alltaf svo gaman að hittast og borða saman. Vorum nokkur saman komin, ekkert smá gaman. Komumst að því að Palli æskuvinur Ragnheiðar á afmæli 7 des eins og Lísa María. það fannst henni pínu skrítið, var nefninlega nýbúin að segja henni frá samstarfsfélaga mínum sem á líka afmæli 7 des. " Mamma rooosalega þekkirðu marga sem eiga afmæli sama dag og ég". Á laugardeginum komu Elísabet og Viktor smári í morgunkaffi. Eftir hádegið fórum við í heimsóknir og um kvöldið fórum við í mat til Söndru og Ívars niðri, sátum frameftir og spjölluðum um heima og geima eins og venjan er. Mjög hentugt að fara í mat á næstu hæð fyrir neðan, maður er þá mikið rólegri yfir svefntíma barnanna. Og ef þau sofna, þá er það baaara allt í lagi, ekki mikið mál að halda á þeim á næstu hæð fyrir ofan. Á sunnudeginum kíktum við í kaffi til Rannveigar systur, umm fengum pönnsur ossa gott. Hún á afmæli í dag og er 24 ára stelpuskott. Svo segir hún " jiii Silla pældu í því, ég er 24 ára" Ég horfði bara á hana, já ég er 32 ára. Svo spruuungum við úr hlátri, mætti stundum halda við værum ennþá á gelgjunni.... Við stórfjölskyldan fjölmenntum heima hjá henni, án þess hún fengi nokkru um það ráðið..... Heyri í ykkur elskurnar

Hæ elskurnar

Fyrir 6 árum síðan fékk ég næstum því lítinn prins í afmælisgjöf, frá Elísabetu æskuvinkonu minni. Hríðarnar hjá henni byrjuðu 29. September, eeen svo án míns samþykkis, dró aðeins úr þeim, með þeim afleiðingum að litli prinsinn kom ekki í heiminn fyrr en eftir miðnætti. Ennnn þá var náttúrlega kominn 30. September. En það er svosem allt í lagi, ég er ekki frá því að þetta henti betur svona, ekki gæti ég haft mömmuna í afmælum hjá mér, á afmælisdegi barnsins, nema með einhverju ráðabruggi og tilfæringum. Þess vegna er fínt að eiga sitthvorn daginn....

Þetta er hann Viktor Smári sem er 6. ára í dag, til hamingju með daginn Viktor Smári minn......