Uppí sveit að elta gamla geit;)

Hæ elskurnar

Við Elís Viktor fórum saman í sveitaferð í leikskólanum í dag, mikið rosalega var það gaman. Vildi óska að við ættum nána ættingja á sveitabæ sem væri hægt að heimsækja reglulega. Mér finnst svo gott að komast svona út fyrir borgarmörkin, komast í snertingu við náttúruna og dýrin, mér finnst það æðislegt. Finna fjósaliktina uummm það er æði og beljurnar, þær eru svo vinalegar og æðislegar, ásamt öllum hinum dýrunum að sjálfsögðu. En mér finnst beljur bara svo extra æðislegar.

Á morgun er vorhátíð í skólanum hjá Lísu Maríu, hoppukastali, leiktæki, grillaðar pylsur og flottheit, að sjálfsögðu ætlum við þangað. Búinn að vera mikill spenningur í gangi varðandi það, taldir niður dagarnir og allt, ossa gaman.

Hafiði séð Ford GT- inn á mbl.is illa geðveikur 550 hestöfl, 3,4 sekúntur að ná 100 km hraða, og 6 sekúntur í 160 km siglingu. Halló!!! ég skal alveg keyra hann og ath hvað hann eyðir miklu bensíni. Það eru nokkrir bílar frá bílaumboðunum að fara í sparaksturskeppni, þar á meðal þessi geðveiki bíll. Væri ég til í að testa hann eða hvað. 6 sekúntur, þetta er á við mótorhjól, pæliði í því.

Góða nótt elskurnar.........

Motorhjólaskólanum lokið:)

Hæ elskurnar

Hæ elskurnar, nú er motorhjólaskólanum lokið, þetta var alveg snilldar námskeið. Lærðum heilan helling um mótorhjól að sjálfsögðu, motorhjólaviðgerðir, mótorhjólaslys. Helstu leiðir til að lifa af í umferðinni sem mótorhjólafólk, það var komið inná flug, já,á flugvél ofl, ofl. Lærði heilan helling sem ég vissi ekki áður, það er ekkert BARA að keyra mótorhjól, síður en svo. Æðislegt námskeið, nú er bara að lesa undir próf og fara svo í verklega hlutan, sem er skemmtilegasti hlutinn. Get ekki beðið eftir að ljíka þessu námskeiði og komast á almennilegt hjól. ÞVÍLÍLA KIKKIÐ, adrenalínið fer alveg gjörsamlega upp úr öllu valdi.

Börnunum finnst þetta mjög spennandi, Elís Viktor þó meira " mamma verður þú þá mótorhjólakona?". Ég var einmitt að hugsa um það um daginn. Hjá börnunum mínum er það mamman sem er dellukerlingin, ekki pabbi þeirra. Hann er alveg laus við alla svona dellu, gat ekki staðið meira á sama þegar ég var að benda honum á einhverjar geggjaðar álfelgur eða mótorhjól í umferðinni. Ég held ég teljist bara heppinn að hafa ekki ennþá farið úr liðnum við að horfa á eftir hjólunum á sumrin. OOhh þetta er svo gaman.

Ég er búin að vera í pínu framkvæmdarfíling núna um dagana, ossa gaman. Alltaf hægt að breyta og betrumbæta hjá sér það er ekki málið. Mesta málið er að halda aftur að sér og sníða stakk eftir vexti og fara lengri leiðina. Kýs að gera það frekar en að taka yfirdráttarheimild eða láta á raðgreiðslur. Þetta kemur allt með kaldavatninu.

Við börnin áttum alveg dásamlega helgi það var nokkuð um gestagang hjá okkur, svo fórum við í heimsóknir, afmæli og bíó, ossa gaman hjá okkur.

 Í dag hefði afi orðið 85 ára, af því tilefni söfnuðumst við öll saman heima hjá ömmu. Alltof sjaldan sem maður hittir ættingja sína, eins og það er gaman.

þetta er orðið gott í bili, góða nótt elskurnar

 

Hellúú;)

Hæ elskurnar

Alveg að koma blogg

Skellti mér í mótorhjólapróf;)

Hæ elskurnar

Þessa dagana sitjum við systur saman á mótorhjólanámskeiði. Ákváðum að skella okkur saman, hafa stuðning af hvor annarri, og fá útrás fyrir delluna í okkur. Þetta er eld, eld, eld gamall draumur sem ég er að láta rætast. Get nú ekki alveg sagt að pabbi sé sáttur við þetta hjá okkur systrum, finnst þetta bölvuð vitleysa í okkur. En það var einmitt hann sem smitaði okkur af dellunni, með því að ala okkur upp á mótorhjólasögum frá því við vorum litlar. Hann er líka óspart minntur á, að það sé of seint í rassinn grypið, að fara taka í taumana núna. Mömmu finnst þetta frábært hjá okkur systrum og stendur alveg með okkur. Pabbi gerir það svosem líka, þó hann vilji ekki alveg gefa grænt ljós á þetta, hann er bara hræddur um litlu stelpurnar sínar......

Nú er Eurovision á næsta leiti + kostningar, vá bara stórt djamm framundan. Ég ætla reyndar ekki á neitt tjútt, gerði það síðustu helgi sem var pabbahelgi, ótrúlega gaman hjá okkur vinkonunum. Fórum á Ólíver og dönsuðum af okkur rassgatið, þegar Ólíver lokaði fórum við á Vegamót og síðan á Sólon. Geðveikt gaman, hitti ekkert smá mikið af fólki sem ég þekki. 

Eruði búin að mynda ykkur skoðun á hvað þið ætlið að kjósa? Ekki ég, ég fylgist svo innilega ekki með pólitik, nema þegar e-h sérstakt er að gerast. Annars legst í stefnur flokkana rétt fyrir kostningar og kýs það sem henntar mér best hverju sinni. Þetta fyrirkomilag mitt hefur gengið vel hingað til, þannig ég held mig við það....

1000 kossar og rembingsknús elskurnar.....

Haallóóó;)

Hæ elskurnar

Ég er að lesa bókina Fíusól fyrir börnin mín, OMG hvað hún er fyndin. Í kaflanum sem ég las í gær var Fíasól að skrifa ritgerð fyrir skólann, sem hún átti að flytja fyrir bekkinn. Hún var e-h að vandræðast um hvað hún átti að skrifa, en allt í einu fékk hún hugljómun. Hún skrifaði um kúk og piss, þetta var svo fyndin saga hjá henni, ég hélt ég myndi bilast úr hlátri. Undir lok kaflans var ég hætt að fá viðbrögð frá börnunum mínum, þá voru þau bara steinsofnuð og ég ennþá að lesa.

Ég er að lesa bók þessa dagana sem heitir Your child's selfesteem. Rosalega góð bók, komið inn á margt t.d hvernig á að höndla tilfiningar barna, fyrstu sex árin, mikilvægi trausts o.fl. Þetta er ekki bók sem maður les frá a-ö, heldur í rauninni bara svona kafla og kafla. Um leið og ég heyrði titil bókarinnar, hugsaði ég með mér, ég verð að komast yfir þessa bók. Ég hef nátturlega alveg ótæmandi áhuga á öllu sem tengist börnum, barnauppeldi, tilfiningum barna, myndlist barna, barnabókum og svo mætti lengi telja...... Mig hefur lengi langað að læra lesa úr teikningum barna og mun pottþétt leggja það fyrir, einn góðan veðurdag. Svo er ég að safna kjarki í að gefa út barnabókina mína sem ég er búin að geyma í 8 ár, en hef ekki gert neitt í, útaf gunguskap..... Ótrúlegt en satt........

Á morgun er ég að fara á fyrirlestur í Háskólabíó. Friðrika vinkona hringdi í mig "Silla viltu koma með mér í Icelandair skokkið 3 maí?" Já ekki málið. " En heyrðu svo ætlaði ég að segja þér, ég er búin að skrá þig með mér á fyrirlestur sem er líka 3 maí kl. 20" Ha nú! Hvaða fyrirlestur er það?. Hún vissi reyndar ég myndi hafa mikinn áhuga á að fara, þannig hún bara skráði mig. Alveg frábær, lét það bara fylgja með að hún væri búin að skrá mig á fyrirlestur. En eftir allt munum við ekki fara í skokkið, því það er nánast á sama tíma og fyrirlesturinn, býður betri tíma.

Heyri í ykkur elskurnar.........

Vúhúú það er bara búið að vera bikiní veður í allan dag;)

Hæ elskurnar

Vá þvílíka veðrið, það er bara búið að vera bikiní veður í allan dag. Ekki það ég hafi farið í bikiní, síður en svo. Var í vinninni eins og flest allir, fór svo í smá bílastúss, láta bílinn í smurningu, skifta um dekk á bílnum, renna honum í gegnum skoðun, þrífann og svona.

Talandi um bílastúss, ég þurfti bráðnauðsynlega að fara á klósettið á einum staðnum, var alveg að pissa í mig. Spyr hvort ég megi fara á snyrtinguna, ekkert mál með það og gaurinn fylgir mér inn fyrir að klósettinu, sem var nú ekki frínilegt. Áður en ég vissi af, var ég búin að segja, ÉG PISSA SKO EKKI Í ÞETTA. Svo leit ég á strákinn sem horfði á mig með svona laumupúkaglotti og sagði við mig " Ég hef því miður ekkert annað að bjóða þér" Eins og áður sagði var ég alveg að pissa í mig, og bíllinn minn ekki tilbúinn á næstunni. Ég neiddist til að notast við þessa viðbjóðslegu snyrtingu. Ég held ég hafi aldrei pissað eins afbrygðilega á ævi minni. Gat ekki annað en hugsað, hvað það væri nú henntugt að hafa typpi, þó það væri ekki nema bara rétt í 5 mínútur.

Heyri í ykkur elskurnar

Þvílíkt sem það er búið að vera mikið að gera:)

Hæ elskurnar

Ef það er ekki komin tími til að blogga, þá veit ég ekki hvað. Þvílíkt sem það er búið að vera mikið að gera. Bara svo ég telji smá upp fyrir ykkur. Eins og þið vitið fór ég í afmæli til Elísbetar vinkonu minnar síðasta föstudag. Á laugardeginum fór ég á opnun myndlistasýningar og út að borða um kvöldið með Ragnheiði vinkonu, fjölskyldunni hennar og mökum. Á mánudeginum var general prufan hjá Lísu Maríu, Þriðjudaginn ballettsýningin, Lísa María stóð sig ÓTRÚLEGA vel. Miðvikudaginn var saumaklúbbur. Núna í dag föstudag fer Elís Viktor aftur í dvd tökur á einu laginu sem hann söng í söngskólanum. Annað lagið sem hann söng fékk sjálfstæðan vilja og áhvað að hverfa, þannig það verður tekið aftur. Minnsta mál í heimi okkar vegna. Elís Viktor sagði " Já það er allt í lagi, það er svo gaman að fara í söngskólann". Á morgun laugardag er svo tónleikar hjá Elís Viktor í söngskólanum, þá fá foreldar, ömmur og afar að koma og hlusta á börnin sína syngja. þessi upptalning  er bara brot af því sem hefur verið að gerast í vikunni fyrir utan allt annað, og + í vinnunni. Frábær vika og ossa gaman.

Byrjaði að taka mig heljartaki í mataræðinu í gær, búin að vera frekar kærulaus með það uppá síðkastið. Held ég hafi pissað svona 45 sinnum, bara í gær og svipað í dag. það er þjálfari niðrí Laugum sem er nú bara eitt stikki frábær ( Ekki minn þjálfari, þó minn sé líka alveg frábær.) Ég var að tala við Ragnheiði vinkonu í Laugarkaffi í dag, þegar þessi þjálfari settist hjá okkur. Eftir pínu stund stóð ég upp og sagðist ætla fara brenna, ég væri að taka mig þvílíku taki bæði í mataræði og æfingum. Þá heyrist í honum "já rassinn á þér hefur stækkað svolítið". Það er alveg satt, hann hefur stækkað pínu, tekur mig ca 3 daga að ná honum niður aftur. En rosa gott að heyra svona comment sem maður veit að er vel meint. Enda þakkaði ég honum fyrir og varð ennþá duglegri fyrir vikið á æfingunni. Stundum þarf maður að heyra e-h svona frá óháðum aðila. Það skiftir líka máli hvernig gagnrýnin er sögð, þessi þjálfari kann að gagnrýna á jákvæðan hátt.

Ég keypti tvær bækur í gær, önnur fyrir mig og hin fyrir börnin, elska að kaupa bækur og geisladiska. Keypti Fíusól fyrir börnin, brjálæðislega fyndin og skemmtileg bók. Ætlaði að lesa einn kafla en las tvo og hefði alveg getað lesið fleiri, frábær bók. Það var orðið framorðið og þurfti að stoppa einhvernstaðar svo börnin gætu sofnað, það verður framhald í kvöld og næstu kvöld.

Í þarsíðustu viku kaypti ég Atlas barnanna, rakst á hana fyrir tilviljun og ákvað að kaupa hana, rosalega flott bók. Ég er búin að vera fræða börnin aðeins um löndin, þeim finnst það rosalega skemmtilegt og spennandi og spyrja endalausra spurninga. Mæli ekki með að glugga í þessa bók rétt fyrir svefninn, nema kannski að byrja 2 tímum fyrr. Það eru endalausar spurningar, maður vill reyndar fá þannig viðbrögð, en kannski ekki rétt fyrir svefninn. Ég var svo brjálæðislega léleg í landafræði þegar ég var yngri. Ætla að reyna gera mitt besta svo börnin mín verði ekki þannig.

Jæja elskurnar ætla fara taka til, aðalega brjóta saman þvott, hefur ekki verið mikill tími til þess undanfarið.

Helgin :)

Hæ elskurnar

Fór í afmæli til Elísabetar æskuvinkonu minnar á föstudaginn. Hún var búin að gera mig ótrúlega forvitna með leynigestinn, sem var Ásgeir Kolbeins. Við vorum öll saman í bekk, ég, Elísabet og Ásgeir frá 9ára upp í 10 bekk. Ég rekst reyndar reglulega á hann á förnum vegi, en Elísabet vissi það ekki. Alltaf gaman að hitta gömlu skólafélagana aftur. Fórum á nokkra skemmtistaði og dönsuðum af okkur rassgatið. Ég kom ekki heim fyrr en um morgununn, það var svo gaman hjá okkur. Takk fyrir mig Elísabet mín. 

Á laugardaginn var mér boðið á opnun myndlistasýningar hjá Gerði mömmu Ragnheiðar vinkonu, órtúlega flott sýning. Um kvöldið fórum við Ragnheiður, fjölskyldan hennar og makar út að borða á Sjávarrétta kjallarann í tilefni dagsins. Mikið rosalega var góður maturinn þar, hafði ekki farið þangað áður, en mun pottþétt fara þangað aftur. Pönntuðum okkur óvissufeð, sem er allt af öllu, í forrétt aðalrétt og eftirrétt, ekkert smá vel útilátið, við rúlluðum nánast úr. Smakkaði Humar í annað skiftið á ævinni, Tryggvi maður Ragnheiðar " Ha af hverju er það?"....... Núna er uppáhalds maturinn minn Túnfiskur og Humar, oohh það er ótrúlega góður matur.

General prufan hjá Lísu Maríu var í kvöld og sýningin á morgun, ég hlakka ekkert smá til. Þetta er alvöru sýning í leikhúsi, hárgreiðslufólk á staðnum, búningar, og allt. Henni hlakkar rosalega til. Ég var búin að greið henni eins og til var ætlast, hjálpa henni í búninginn og gera hana klára, horfði á hana og fékk alveg tár í augun. Ég er svooo stolt af henni, hún er svo dugleg.... Ef þið heyrið hvell, rétt eftir kl 20.00 á morgun, þá er það líklegast ég sem hef sprungið í loft upp af stolti.

Jibbííí það er saumaklúbbur á miðvikudaginn, hvað á ég að drullumalla fyrir þær?

Jæja ætla fara sofa, er orðin frekar þreytt. Góða nótt elskurnar

Nóg að gera um helgina;)

Hæ elskurnar

Börnin voru ekkert smá sátt við sumargjafirnar sínar. Ég bjóst við þvílíkum öskrum og látum, en þau urðu bara alveg orðlaus í pínu stund. svo var ég kysst og knúsuð á milli þess sem ég var spurð spjörunum út, varðandi hjólin. Fórum í nokkra hjólatúra í gær, Lísa María var fyrst pínu hrædd að hafa ekki fótbremsur, en það var nú fljótt að koma hjá henni. Það óx Elís Viktor svolítið í augum, hvað hjólið varð stórt og bað um hjálparadekkin sín aftur. Hann var pínu óöruggur að taka af stað, ég studdi við hjólið fyrir hann fyrst um sinn, en hvatti hann svo til að gera sjálfan sem hann gat alveg. Hann þarf bara að læra að temja sér aðeins meiri þolinmæði. Mér finnst svo fyndið þegar þegar hann er að óþolinmóður og fólk yfir höfuð, ég er sjálf óendanlega þolinmóð. Ég þarf alveg að passa mig að hvorki brosa né hlæja, þegar hann verður óþolinmóður eða  pínu geðvondur þá verður hann ennþá verri í skapinu. Ég reyni nú að vera mjög skilningsrík og umburðarlind þegar svona stendur á hjá honum, sem er reyndar mjög sjaldan. Lísa María er ekki svona, hún er svo róleg og tekur öllu með jafnaðargeði.  Það er svo gaman að eiga svona ólíka karaktera.......

Fer í afmælispartý til Elísabetar æskuvinkonu minnar í kvöld, hlakka ekkert smá til. Hún er búin að gera mig svo forvitna, ég er nánast með flensueinkenni af forvitni. Það kemur KANNSKI leynigestur sem við hittum stundum á djamminu, en er yfirleitt ekki tími til að tala við. Ég hef ekki hugmynd um hver þetta getur verið, og er að verða brjáluð á að vita það ekki. Styttist í að ég komist að því. Þvílík púkalína að gera mér þetta, ég ætti kannski líka að gerast púkalína og gefa henni Rammsrein í afmælisgjöf (hún þolir þá ekki).

Á morgun gerist líka margt og mikið skemmtilegt, fer á opnun myndlistarsýningar, hlakka mikið til, og er heiður af, að hafa verið boðið. Kvöldið er næstum ráðið, samt ekki alveg, kemur betur í ljós. Ætla kíkja aðeins í búðir, langar í annað stutt pils, ljóst og kannski topp með, ef ég sé einhvern.

Jæja elskurnar góða helgi......

Gleðilegt sumar dúúúllurnar mínar:)

Hæ elskurnar

Nú er ég rétt að leggja lokahönd á sumargjafarplottið mitt. Fór í Örninn í gær og keypti 24" 21 gíra hjól fyrir Lísu Maríu, og 20" hjól fyrir Elís Viktor með geðveikum sport brettum og látum. Ég er með börnin, þannig það var grypið í plan B. Mamma náði í hjólin í búðina fyrir mig í dag, og kom með þau eftir að börnin voru sofnuð. Þau meiga ekki sjá fyrr en á morgun. Nú eru hjólin í sitthvoru herberginu og bíða eftir að verða tekin í notkun. Ætla láta börnin sofa uppí hjá mér í nótt, því ef þau væru í sínu herbergi og þyrftu að pissa í nótt, myndu þau sjá hjólin, og allt ónítt. Það má ekki gerast, þannig þau verða uppí hjá mér í nótt. Ég ætla að láta klukkuna hringja kl 6.45 eins og vanalega, en leifa þeim að sofa, bara svo ég verði örugglega vöknuð og geti fest viðbrögð þeirra á filmu. Þau eru nefninlega hætt að vekja mig, leyfa mér bara að sofa. Klikkaði á myndunum í hittifyrra, ætla ekki að láta það gerast aftur. Þá var ég heldur ekki með svona leynimakk, var bara róleg og tók myndirnar eftir á, og alveg nóg af þeim, eins og flestir foreldrar gera.

Jæja elskurnar ætla fara sofa svo ég klikki ekki á plottinu mínu. Góða nótt elskurnar og eigiði góðan dag........