Frábær helgi í alla staði;)

Hallóóó elskurnar

Þetta var ekkert smá frábær helgi. Það var þónokkuð um gestagang hjá okkur um helgina, alveg æðislegt. Börnin nutu sín í botn, fengu til sín gesti og voru líka með vinum sínum í hverfinu, allir saman úti að leika, ossa gaman. Ég fílaði mig í frumeindir að bera fram kræsingar, mér finnst svo gaman að drullumalla í eldhúsinu og hafa fyrir fólki. Gat engan vegin ákveðið hvað ég ætlaði að bjóða fram, þannig ég var bara með allt af öllu. Það er ágætt, þá fer engin svangur frá mér.

Elísabet æskuvinkona mín og börnin hennar voru ein af þeim sem komu í heimsókn. Hún var alveg þvílíkt að taka til í tölvunni hjá mér. "Silla, hvaaaða drasl ertu með í tölvunni hjá þér?" Hún er ekki ennþá búin, ætlar að láta fullt af nýju dóti í hana fyrir mig og gera hana voða fína, hlakka ekkert smá til. Hún er voða mikið á þessu tölvusviði og vinnur líka við tölvur. Eyða út og láta inn, jájájá ég hef vit á þessu öllu saman, yfirnáttúrulegi  tölvusnillingurinn sjálfur. 

Jæja 24 apríl verður ballettsýningin hjá Lísu Maríu í Borgarleikhúsinu. Miðasalan hófst í dag og kostar 2200 kr miðinn. Henni hlakkar ekkert smá til og að sjálfsögðu mér líka. Ég er meira segja búin að fara yfir videovélina mína, testa allt og ath með bæði myndarvélina og videovélina. Það væri nú frekar sorglegt ef e-h myndi vanta eða klikka á sýningunni sjálfri. Fyrirhyggja í fyrirúmi það borgar sig. þessi stund kemur ekki aftur, það er eins gott að negla hana niður í fyrsta.

Hafði fyrsta grillmat sumarsins í kvöld, var með kjúklingabringur, kart, salat og fl. Rosalega gott. Grillmatur stendur alltaf fyrir sínu, það er líka bara e-h stenming sem fylgir því að grilla.

Horfði á ótrúlega góða mynd á dvd núna um helgina sem heitir The Departed. Svona myndir fíla ég í botn. Góðar spennumyndir, þá get ég setið stilt og góð allan tímann, án þess að gera 770 hluti í einu. Mæli með henni fyrir fólk sem fílar spennumyndir.

Jæja ætla fara halda áfram með það sem ég var að gera, góða nótt elskurnar

Komin helgi;)

Hæ elskurnar

Komin helgi en og aftur, tíminn ekkert smá fljótur að líða og sumardagurinn fyrsti í næstu viku. Mér finnst svo stutt síðan ég sagði, vá maður, bara komin september, og nú er apríl. Ekki nema von maður ruglist þegar maður er spurður um aldur " 20 oooggg, nei heyrðu 31.

Á morgun er það söngskólinn og ballett. Elís Viktor á að syngja inn á dvd disk og Lísa María að æfa fyrir ballettsýningu sem nálgast óðfluga, nóg að gera. Ellý vinkona ætlar að kíkja í heimsókn núna um helgina, það verður samt - glóðarsteikti Akureyringurinn að þessu sinn, hann kemur seinna með henni. Ég er mikið að spá í að skella mér á skauta með börnin um helgina, skemmtum okkur svo ótrúlega vel síðast. Ef það verður ágætis veður um helgina væri ég líka alveg til í Fjölskyldu og Húsdýragarðinn, hann stendur alltaf fyrir sínu. Svo að sjálfsögðu verður það sunnudagaskólinn, á sínum stað eins og vanalega.

Ég hlakka ekkert smá til að gefa börnunum sumargjafirnar sínar í næstu viku, ætla gefa þeim hjól. Þau vita ekkert af því, eru alltaf að koma með nýja og nýja óskalista sem breytast dag frá degi, ég læt sem ekkert sé. " Já, ég skal taka það til umhugsunar, þið verðið svo bara að bíða og sjá hvað þið fáið". Þau er alveg að sálast úr forvitni, enda börn mömmu sinnar sem er yfir forvitningurinn, ef það orð er til.

Það getur verið ef ég hef tíma núna um helgina, að ég skelli inn nokkrum myndum. Annars segi ég bara góða helgi elskurnar

Maskarinn útklíndur og eins Zorro í framan;)

Hæ elskurnar

Ég var með Elís Viktor í 5 ára skoðun í dag, stóð sig ekkert smá vel. Honum var búið að kvíða pínu fyrir sprautunni. Svo þegar búið var að stinga, isss þetta var ekkert mál, ég er sko orðin 5 ára, þvílíkur töffari. Stóð sig ekkert smá vel, þurfum aðeins að kíkja til augnlæknis og láta ath betur í honum sjónina, sá ekki neðstu línuna. Þarf samt ekki að vera neitt, bara fylgjast vel með. Gott að það komi í ljós núna ef það er e-h, áður en hann fer í 6 ára bekk í haust.

Þurfti að taka bensín í gær, það var svo leiðinlegt veður að ég nennti ekki að fara á orkuna og dæla sjálf. Sagði það við börnin. " Æ ég ætla á bensínstöð, nenni ekki að dæla sjálf í þessu leiðinda veðri, rignin, rok og ískalt." Þá heyrist í Lísu Maríu " Já , en þá ertu að láta bensín manninn fara út í kuldan, þá verður honum kalt" Ég afsakaði mig með því að hann væri svo vel klæddur, og mönnum sé yfirleitt hýrra en konum (það er mín reynsla).

Þessi athugasemd dóttur minnar minnti mig á á fyrsta veturinn eftir að ég skildi. Ég dröslaðist um á þvílíkri Daihatsu druslu sem ég þurfti oftar en ekki að ýta á undan mér. Það var einn morguninn nýbúin að koma börnunum í leikskólann og var á leiðinni í ræktina. Þurfti að koma við á bensínstöð og láta bensín á bílinn, það var brjálað veður og sjálstæðið gjörsamlega að drepa mig. (Ný skilin og ætlaði að gera allt sjálf, sem ég gerði og hef reyndar alltaf gert, bara ennþá meira eftir skilnaðinn.) Hugsaði með mér, ég get alveg dælt bensíni í brjáluðu veðri, eins og e-h karl ugla. Dældi samviskusamlega á bílinn í íþróttaförum og pinnaháhæluðum stígvélum í brjáluðu veðri. Þegar ég kom inn á bensínstöðina og ætlaði að borga, gat maðurinn varla afgreitt mig, ÁN GRÍNS, HANN HLÓ SVO MIKIÐ. Sem var ekki nema von, því ég var eins og Zorro í framan, maskarinn var allur útklíndur út um allt, af öllu snjófokinu. Þurfti sko enga prinsessumeðferð, get þetta sjálf. Ég var ekki komin á æfingu þegar drapst á bílnum og ég þurfti að ýta honum inn á næstu bensínstöð, og taka leigubíl á æfingu. Oft voru morgnarnir svona, eða þegar ég hafði stoppað bílinn í pínu stund, og hann fór ekki í gang aftur. Þá var bara að kafa ofaní húddið og tengja saman nokkra víra, þá fór hann yfirleitt í gang, annars þurfti ég ýta honum, hoppa svo inn í hann og láta hann renna í gang. Ég átti þessa druslu í 9 mánuði, þá gat ég keypt mér æðislegan bíl sem ég á ennþá í dag. Ótrúlegt hvað er hægt að gera á þrjóskunni og viljanum svo hlutirnir gangi upp.

Jæja síðan ég kom heim er ég búin að vera taka til, riksuga, skúra, þvo þvott og hlusta á Í Svörtum fötum, á meðan börnin eru úti að leika sér. Ég tek alltaf svona syrpur, hlusta á e-h diska í góðan tíma og skifti svo um. Um daginn var ég lengi vel með Bon Jovi, Rammstein, Bob Marley og nú er það Í Svörtum fötum, hvað verður það næst???........

Heyri í ykkur elskurnar

Gleðilega páska:)

Hæ elskurnar mínar og gleðilega páska.

Ég og Elís Viktor fórum í matarboð til Sigga og Friðriku á föstudaginn, Lísa María var hjá pabba sínum þar sem Elís Viktor átti líka að vera, en breyttist aðeins og fór ekki til hans fyrr en á laugardeginum. Fengum Humar í forrétt, var að smakka Humar í fyrsta skifti á ævinni. Mikið rosalega er hann góður, steiktur í hvítlauk á pönnu mmmm þetta var æði. Takk innilega enn og aftur fyrir okkur. Í eftirrétt horfðum við á X - factor og borðuðum nammi osssa gott.

Kíkti á tjúttið í gær með Anítu vinkonu, ekkert smá gaman hjá okkur. Byrjuðum á að vera hjá Anítu og fórum svo á Ólíver. Þetta var í fyrsta skifti sem ég hef getað gengið inni á Ólíver, án þess að leiðast með straumnum, það er alltaf alveg geðveik stappa þarna. Það voru samt alveg slatti margir og rosalega mikið að fólki sem ég þekkti, ekkert smá gaman að hitta svona marga, það bara voru ALLIR á tjúttinu.

Þetta er nú búin að vera meiri Páskadagurinn. Vaknaði ógeðslega hress, eins og venjulega, ég er ekki þessi morgunfúla manneskja. Heyrði í Anítu vinkonu um hádegið, hún alveg að drepast úr þynnku, og ég alveg ofur hress á leiðinni á æfingu. Ætlaði að fá mér smá páskaegg áður en ég færi á æfingu og gerði það. Slappaðist öll niður og endaði með hausinn ofaní klósettinu, ælandi og spúandi. Ojbara, ég þoli ekki að gubba, það er það ógeðslegasta sem ég veit. Sem betur fer voru börnun hjá pabba sínum, þannig ég náði að sofa þetta út mér og er orðin hress núna.

Ætla á æfingu í fyrramálið, förum svo í matarboð seinnipartinn.  Var að spá i að skella mér í bíó með börnin á morgun. Það eru alveg frábærar myndir í bíó og margt um að velja. Ætli við Jói bróðir setjumst svo ekki aðeins í tölvuna og skoðum mótorhjól, erum mikið í því þessa dagana, enda sumarið að nálgast.........

Góða nótt elskurnar

 

Hellúúú;)

Hæ elskurnar

Það er alveg að koma blogg........

Helgin var frábær:)

Hæ elskurnar

Já helgin var einu orði sagt frábær. Á föstudeginum fórum við í heimsókn til mömmu og pabba eftir kvöldmat og vorum þangað til seint og síðarmeir, hittum þar Rannveigu systir með börnin sín. Þegar öll 4 ömmu og afa börnin hittast er mikið fjör á bænum, það eeer svo gaman.

Á laugardeginum var söngskólinn kominn í páskafrí, hafði misreiknað mig í mánaðardögum og mætti stundvíslega með barnið í söngskólann fyrir kl.12. Þaðan var brunað með Lísu Maríu í ballett sem er venjan, sem betur fer er ekki langt á milli skólanna, og 10 mínútur á milli tímanna. Nú fer að styttast í ballettsýninguna hjá Lísu Maríu sem verður fljótlega eftir páska í Borgarleikhúsinu. Henni hlakkar ekkert smá til, hún er svo mikil ballerína.

Jæja eftir Ballettinn fórum við á skauta í tæpa 3 tíma, ekkert smá gaman hjá okkur. Fyrir ykkur sem langar, en þorið ekki á skauta, þá eru til stuðningsgrindur sem þið skautið undan ykkur á svellinu. Rosalega sniðugt, bæði fyrir börn og fullorðna. Yfirleitt þegar ég hef farið með börnin á skauta, hef ég nánast þurft að halda Elís Viktor uppi, hann var alltaf á hausnum. Núna lét ég hann bara hafa grind sem hann var með allan tímann. það var alveg hægt að telja á annari,  hvað hann datt oft, sem var ekki hægt áður. Lísa María er þvílíkur snillungur á skautum, enga stund að rifjast upp fyrir henni. Eftir þessa æðislegu skautaferð fórum við heim og borðuðum hollan og góðan kvöldmat. Eftir mat fórum við svo til Elísabetar æskuvinkonu minnar og vorum þar fram á kvöld. Takk fyrir okkur Elísabet mín.

Á sunnudeginum fórum við í sunnudagaskólann og svo í sund. Fórum alveg 770 ferðir í rennibrautina. Lísa Maria ekkert smá frökk, lætur sig bara gossa, ekki málið. Á meðan Elís Viktor gaurinn sjálfur skalf á beinunum. Rennibarutin sem við fórum var frekar brött efst, þannig maður fer svo hratt til að birja með, við það varð Elís Viktor svo hræddur, svo dregur úr hraðanum þegar maður er komin miðja rennibreutina. Hann sat fyrir aftan mig í öll skiftin, sem er mikið betra, því þá fer hann ekki á bólakaf þegar við lendum í lauginni. Eftir fyrstu bununa varð svo mikið spennufall hjá honum, ég vissi ekki hvert hann ætlaði. Í öllum látunum reif hann bikiní haldarann minn lausan. Sem betur fer náði ég að láta haldarann fyrir brjóstin á mér aftur. Ég ætlaði aldrei að ná að festa hann aftur, sem betur fer tókst það þó að lokum, hjúkk maður. Tveir karlmenn sitthvorumegin við hliðina á mér, þeir sáu sem betur fer ekki neitt, ég var svo fljót að láta haldarann fyrir, ligga, ligga lái. Vá maður, ég hefði roðnað niðrí rassgat. Jæja, það þurfti ekk nema 3 ferðir í rennibrautina hjá Elís Viktor, þá var öll hræðslan farin svo héldum við bara endalaust áfram. Seinna um daginn fóru börnin með pabba sínum í fermingu. Á meða náði ég í dvd mynd fyrir þau, horfðum svo á hana þegar þau komu heim, og höfðum það gott 3 saman í kuðung í sófanum og borðuðum ís.

Ég fór í litun og stípur í gær, breytti alveg gjörsamlega til. kunni ekki alveg við það, og lét laga það í dag, er ekkert smá sátt núna. Þetta er æði, frábært að breyta aðeins til.

Nú fer fittness keppnin að nálgast á Akureyri, ég væri alveg til í að skella mér, meira en til.

Jæja ætla fara undirbúa morgundaginn, góða nótt elskurnar........

 

 

 

Góða helgi.....

Hæ elskúrnar

Ég heyrði í fyrrverandi tenngdapabba mínum í gær. Hann býr í Danmörku og hefur búið þar í 32 ár, aðeins. Við höfum alltaf verið alveg rosalega góðir vinir. Tölum alltaf mjög lengi þegar hann hringir, ótrúlegt hvað við getum spjallað. Reglulega spyr hann mig hvort ég sé ekki kominn með kærasta. Alltaf er svarið það sama, og alltaf verður hann jafn hissa. Ég sprakk úr hlátri þegar hann spurði mig í gær, hvort Íslenskir karlmenn væru búnir að vera, eins og hann orðaði það (getulausir). Hann talar mjög bjagaða Íslensku, þó Íslenskur sé. Nei þeir eru ekki getulausir, ég er bara erfið. Ég vil ekki hvern sem er.

Það varð ekkert úr því síðustu helgi, eins og til stóð, að bjóða Ellý og glóðarsteikta Akureyringnum hennar í rauðvín og osta. Mikið að gera, systir Ellýar var að fermast og Ellý að hjálpa til við allan undirbúning, fyrir utan allt annað hjá okkur báðum. það var hreinlega ekki ekki hægt að koma því við að hittast. Við stefnum á að ég bjóði þeim sem fyrst, hlakka mikið til. Mikill spenningur í gangi, hann veit nefninlega alveg hver ég er. Vorum reglulega á saman stað í góðan tíma. Höfum oft og mörgum sinnum spjallað. En hann er ekki að gera sér neina grein fyrir hver ég er, þegar Ellý talar um Sillu vinkonu.

Núna um helgina ætlum við börnin að gera margt og mikið skemmtilegt saman eins og venjulega, höfum alltaf nóg fyrir stafni um helgar, það er svo gaman. Fyrir utan ballett og söngskólann, ætlum við að fara í sund, skauta, sunnudagaskólann o.fl. sem á eftir að koma í ljós. Það er langt síðan við höfum bæði farið í sund saman og skauta, þannig við ætlum að gera það þessa helgi. Hugsa við förum á skauta í dag og sund á morgun....

Jæja ætla fara hafa mig til fyrir daginn, góða helgi elskurnar

Fimmtudagur 29. Mars 2007

Hæ elskurnar

Ég fór í klippingu í dag, GEÐVEIKISLEGA FLOTT KLIPPING, ekkert smá sátt. Þetta er þó ekki alveg búið, því undir lokin þegar ég var alveg að verða búin í klippingu, ákváðum við að stíga skrefinu lengra. Það er svo gaman. Við erum semsagt búnar að velja lit á hárið, sem mun gera klippinguna ennþá flottari. Þetta er sjúk klipping. Þegar við vorum að blaða í gegnum blöðin og ath hvort við fyndum e-h klippingu til að miða við, sagði hún mjög reglulega. Nei, þetta er of venjulegt fyrir þig. Ég er einn af þeim kúnnum sem klippufólki þykir gaman að klippa, alltaf til í að pófa e-h nýtt og öruvísi, nenni ekki alltaf að vera eins....... Semsagt á mánudaginn fer ég í strípur, þetta eru samt ekki beint strípur, en þær verða með. Þetta er e-h alveg nýtt sem var að koma á markaðinn. Hlakka geðveikislega til.

Á þrðjudaginn kíkti ég í Tengi, í leit að baðinnréttingu, ekkert smá ótrúlega góð þjónusta þarna. Sá þarna innréttingu sem ég var alveg að fíla. Maðurinn sem afgreiddi mig, gat ekki annað en hlegið að mér. Ég var semsagt að velta fyrir mér, hvort ég myndi vilja hafa heilan neðriskáp 90 cm, eða  skifta neðriskápnum í 30, 60. Eins og ég er, þarf ég alltaf að velta hlutunum fyrir mér vel og vandlega. Nema hvað, á bólakafi í mínum hugsunum, sá ég fyrir mér, ef ég tæki 90 cm, væri allt í einni stöppu og allt í drasli, sagði þetta óvart upphátt án þess að vita af því. Maðurinn sprakk úr hlátri, þetta kom alveg óaðvitandi beint frá hjartanu.  Ég er stundum alveg milljón.

Ég fékk TAUGAÁFALL, þegar ég náði í son minn á leikskólann í dag. Án gríns, þá hljóðaði ég upp yfir mig og starði á barnið mitt, en var svo fljót að grýpa í hrósið og hrósaði honum hægri vinsti. Það er búið að klippa hárið á barninu, þetta síða fallega ljósa hár. ÉG ER SVO MIIIIÐUR MÍN, ég á ekki orð til að lýsa því. Fyrir utan það er allt of mikið tekið af því. Hann er varla með hár á höfðinu. Ég var á leiðinni með hann í barnamyndartöku, svo er að fara koma að DVD upptökum hjá honum í söngskólanum. Get ekki alveg sagt ég hafi verið beint sátt við þetta uppátæki barnsföður míns, reyndar alveg brjáluð. Sem betur fer vex hárið aftur, bíðum eftir því og förum svo í myndartökuna........

Spáiði í því Mars er að verða búinn, og í apríl er sumardagurinn fyrsti. Ekkert smá fljótt að líða. Ég ætla að gefa börnunum mínum hjól í sumargjöf og er aðeins farin að líta í kringum mig, ath með verð, gæði  og annað. Annars ætla ég að passa að vera ekki að kaupa mjög dýr hjól, þau þurfa strax stærri hjól næsta sumar. Það er hægt að fara spá virkilega í gæðum þegar þau eru komin upp í 26" og þurfa ekki stærra á hverju ári. Á maður ekki líka að vera hagsýnn. Ég segi þetta alltaf, en enda svo alltaf í að kaupa dýrara en ég hafði sett mörkin. Ég ætti kannski að pófa að vera markalaus í ár, og ath hvort það gangi betur.

Jæja ætla fara gera e-h af viti, góða nótt elskurnar.........

 

Æðisleg helgi:)

Hæ elskurnar

Já þetta var æðisleg helgi. Fór til systur minnar á föstudeginum, fórum saman í heimsóknir, rúntinn og svona, æðislega gaman. Á laugardeginum tókum við Friðrika vinkonudag, ég var búin að segja ykkur frá því. Ooossaa gott. Á laugardagskvöldinu fórum við Ragnheiður, Rut og Hanna María út að borða á vegamót. Sigga bættist svo í hópinn aðeins seinna um kvöldið og dró okkur með sér í afmæli, rosalega gaman. Undir lokin kíktum við Ragnheiður aðeins á Olíver og fórum svo heim. Upphafið var að fara bara út að borða, létum restina svo bara ráðast. það verður alltaf svo gaman þegar kvöldin þróast bara, engin plön.

Á sunnudeginum fór ég með Jóa bróður í bíó á myndina 300. Hann hlær alltaf svo af mér, ég grýp nefninlega reglulega fyrir augun þegar ég fer í bíó, og er stundum komin með hnén í andlitið án þess að vita af því. Þetta finnst honum voða fyndið, að þetta skuli ekki þroskast af mér, og fer bara aftur og aftur á svona myndir. Það er vegna þess ég fíla svona myndir, nenni yfirleitt ekki á stelpumyndir sem eru flestar væli, væli væli svo úr því verði pollur. Ég fíla best góðar spennumyndir, og ef ég er komin á hvolf í sætinu, er það enn betra.

Ég fór með skjólstæðing í kringluna í dag, sá óvart alveg geðveika tösku í Kiss, og auðvitað keypti ég hana. Hún átti að kosta 9000 kr en, fékk hana á 3000 kr, ekki séns ég sleppi því. Mig vantaði einmitt tösku. Var búin að þræða Kringluna með Friðriku vinkonu á laugardaginn í leit að tösku, en fann ekki neitt. Svona er þetta oft, þegar maður er ekki að leita, detta hlutirnir í fangið á manni.

Jæja elskurnar, ætla fara láta börnin í bað og undirbúa morgundaginn. Góða nótt elskurnar...

 

Laugardagur 24. Mars. 2007

Hæ elskurnar

Vá, ég tók geðveika æfingu í morgun, það var ekki til þurr þráááður á mér. Oosssa gott að taka svona öfluga æfingu. Við Friðrika vinkona tókum smá vinkonudag. Eftir æfingu borðuðum við saman, reyndar fékk ég mér bara heilsusafa, en hún ekkert smá girnilegt hlaðborð, fórum svo í búðarráp. Það er svo gott að taka svona vinkonudag, alveg bráðnauðsynlegt.

 Það er alveg ástæða fyrir, af hverju ég fékk mér ekki hlaðborð. Ég er að fara út að borða í kvöld, einmitt með annarri góðri vinkonu. Kvöldið mun svo bara ráðast, tjútt eða bara heim, kemur í ljós, ég er opin fyrir öllu.

Ég þarf endilega að gefa mér tíma í að setja inn myndir, er með þónokkuð af skemmtilegum myndum sem ég ætla að láta inn.

Jæja elskurnar, tíminn líður. Ég þarf að fara ákveða í hvaða fötum ég ætla að vera í kvöld, það getur alveg tekið mig 770 ár að velja það.

3 kossar og rembingsknús.........