Sunnudagur 25. Febrúar. 2007

Hæ elsku dúllurnar mínar

Þetta var ÆÐISLEG helgi. Vá hvar á ég að birja. Á föstudeginum var ég að vinna frameftir, kíkti svo í heimsók til systur minnar. Þegar litla snúllan hún Ísabella sá mig í glugganum, missti hún sig alveg, YETTA og þakið fór næstum af húsinu. Þegar við Rannveig tölum saman í síma, má Ísabella helst ekki vita af því, þá grenjar hún þangað til hún fær að tala við mig. Uppáhalds frænkan, hvað annað? Enda algjör barnakerling.

Á laugardeginum fór ég í smá dekur, jáááá ég veit, algjört dekurdýr. Fór svo í heimsókn til Hildar og eyddi þar öllum deginum. Maðurinn hennar hafði skroppið aðeins út fyrir bæinn, og notuðum við þetta fína tækifæri, í ærlegt spjall. Það var meira segja farið inná, hvað við vorum gamlar þegar við afmeyjuðumst. Kvöldinu ætlaði ég svo að eyða með Rannveigu systur. Maðurinn hennar var að vinna og hún bara ein heima með börnin. Ég fór út síðustu helgi, og fer út næstu helgi, þannig ég ætlaði bara að þræða nokkrar vinkonur þessa helgi og vera bara róleg.

Um miðnætti á laugardeginum, fékk ég sms " Hæ ertu að djamma? Nei ég ligg hérna uppí sófa hjá Rannveigu systir og er að pústla með Ísabellu." Þetta var Elísabet æsku vinkona mín, þá var hún á djamminu og vantaði e-h til að dansa við, maðurinn hennar er ekki mikið fyrir að dansa. Auðvitað tékkaði hún á mér, vitandi ég elska að dansa, erum þannig báðar. það er ekki farið útaf dansgólfinu þegar við förum saman. Þar sem ég var ekki á djamminu, bað hún mig að koma á djammið. Ég viðurkenni fúslega, ég var nú ekki alveg að nenna, klukkan að ganga eitt um nótt. Með smá tiltali, og Rannveig systir með Elísabetu í liði, setti hún tónlist í spilarann sem ég fíla alveg í botn, hún kann sko alveg á systur sína. Ég komst í þennan þvílíka fíling og var komin niður í bæ, á dansgólfið á Hressó, fyrir klukkan 2.30 í nótt. Spáiði í því, ég ætlaði bara að vera róleg, taka svo vinkonudag með Friðriku á sunnudeginum, fara saman í Laugar um morguninn, borða saman hádegismat og kíkja saman í Egg. Þetta var sunnudagsplanið, þannig ég ætlaði að vera róleg á laugardagskvöldinu. En vá það var ekkert smáááá gaman, og sé ekki eftir að hafa farið. þið fáið að sjá myndir.

Þó að þetta hafi verið sunnudagsplanið, klikkaði það ekkert. Ég var komin heim um hálf sex, sunnudagsmorguninn, Friðrika hringdi um 9.30 til að hefja daginn á æfingu. Ég var komin á bretti 10.30. Eftir æfingu fórum við á Nings, þar sem hún elskulega Friðrika mín bauð mér út að borða. Takk fyrir mig Friðrika mín, en og aftur. Nú svo fórum við á smá búðarráp, kíktum í Egg og svona. Það er ekki hægt að sleppa búðunum á vinkonudegi. O nei, o nei, o nei hverskonar vinkonudagur væri það nú eiginlega.

 Við Ellý ætluðum að taka smá slúður hitting, en hún var alveg löglega afsökuð. Sem var reyndar alveg ágætt. Ég veit ekki hvort ég hefði náð í lappirnar á henni, til að láta hana sitja á stólnum. Hún svífur bara á um á bleikum hamingjuskýum, þessa dagana. Alveg frábært.

Í kvöld fórum við Friðrika bíó á æðislega mynd, sem heitir The Pursuit of Happyness. Frábær mynd, ég mæli með henni. Eftir að hafa horft á þessa mynd, þakkar maður fyrir hversu gott maður hefur það. Ótrúlegt hvað sumir hafa þurft að lifa við bág kjör, og lifa enn...... Ótrúlega góð mynd, kemur manni svolítið á jörðina. Ég er reyndar voða dugleg að staldra við, og þakka fyrir það sem ég á. Geri það á hverju einasta kvöldi áður en ég fer að sofa. Fer líka alltaf yfir daginn áður en ég fer að sofa, það er voða gott. Fer yfir það sem ég er ánægð með, og hvað ég mætti gera betur. Mér finnst þetta ómissandi sjálfsskoðun, uppá að geta þroskast og orðið betri manneskja.  Svo ég haldi mig við efnið, allir að sjá þessa mynd, mjög góð.

Jæja ætla fara sofa, verð örugglega drulluþreytt á æfingu á morgun. Góða nótt elskurnar.

 

Fimmtudagur 22. Febrúar. 2007

Hæ elskurnar

Ég hitti konu í ræktinni í gær sem gaf sig á tal við mig. Hún sagðist hafa verið að fylgjast með mér hlaupa og tala við vinkonu mína. Hún hafi tekið svo vel eftir mér, af því það var svo áberandi yfirveguð, það hafi verið svo mikill friður með mér. Það fyrsta sem hún spurði mig var, hvort ég stundaði mikið yoga og hugleiðslu. Ég kom alveg af fjöllum HAAAA. Hafði aldrei séð þessa konu áður enda var hún frá Norður Noregi. Ég hef aldrei stundað yoga, hef farið 3 sinnum og finnst það alveg æði. Vildi að ég hefði meiri tíma til að stunda það að e-h ráði, hef ekki farið frá því fyrir jól. Hins vegar hef ég verið að lesa mig til, og huga svolítið að innra sjálfinu. Það skilar greinilega árangri. Alveg nauðsynlegt að leggja rækt við sjálfan sig að innan sem utan. Hún sagðist vera að vinna í því að komast á þennan stað í jafnvæginu og rónni, sem ég er á. Spáiði í því. Ég sem er alltaf með 7 ragettur í rassinum, útum allt, uppum allt, allstaðar og alltaf. Eins og ég segi hef ég aðeins verið að reyna temja mig, ég verð alltaf virk, það fer aldrei af mér. En að vera í núinu en ekki 770 skrefum á undan sjálfri mér, það munar miklu.

Ég var svo ánægð með þetta, það munaði minnstu, ég hefði hringt í Matta nuddarann minn. Heyrðu ég held ég hafi losnað við e-h að þessum 7 ragettum í rassinum á mér, án þess að vita af því. Ég gerði það nú ekki, en hann fær að frétta af þessu næst þegar ég fer til hans. Tímarnir hjá honum fara svolítið inn á sálfræðina og jafnvel líka heimspeki. Hann lætur mann velta hlutunum fyrir sér, sem mér finnst ótrúlega gaman. Hann spurði mig um daginn. Silla hvað heldurðu að myndi gerast ef þessar 7 ragettur í rassinum á þér væru ekki( svo tók hann dæmi, til að auðvelda hugsunina í aðstæðum). Löng þögn.......... hhhmmmm. Svo svaraði ég þessarri spurningu ásamt mörgum öðrum. Alveg mesta furða hvað maður getur þurft að velta fyrir sér einföldustu spurningum.

Pabbahelgi framundan, jáááttttsssss

Jæja elskurnar ætla fara sofa svo ég verði fersk á æfingu. Góða nótt elskurnar

Sunnudagur 18. Febrúar. 2007

Hæ elsku dúllurnar mínar

Til hamingju með daginn stelpur, konudagurinn í dag. Fenguði ekki risastóran Rósarvönd, bakkelsi og ylmandi kaffi í rúmið? Nei!!!! Nú??? Ekki ég heldur.

Ég fót til Ragnheiðar og Tryggva í gær, ekkert smá næs. Vorum nokkur saman, fengum okkur rauðvín og osta, spjölluðu um heima og geima og horfðum á eurovision, ótrúlega gaman hjá okkur. Takk innilega fyrir mig........

Ég verð nú alveg að viðurkenna að úrslitin í Eurovision komu mér verulega á óvart. Mér fannst þetta ekki grýpandi Eurovisionlag, venst örugglega eftir því sem maður heyrir það oftar. En ég myndi halda að lagið þyrfti að vera grýpandi, þetta er svo stuttur tími sem flytjandinn fær. Mér fannst lögin sem Jónsi og Friðrik Ómar sungu, mikið betri, meira grýpandi og frekar eiga heima í eurovision. En það er bara mín skoðun...... Það verður spennandi að sjá hvernig fer í maí.

Við fórum að kveðja mömmu og pabba í dag, þau eru að fara í golfferð til Flórída í fyrramálið. Væri ég til í það eða hvað. Kannski ekki golfferð, ég er löngu búin að komast að því, ég hef ekki ennþá öðlast þann þroska sem þarf til að stunda golf. Ég er ennþá alltof mikið fiðrildi. En ég væri alveg til í að fara til Flórída og kíkja í Disneyland með börnin og dúlla mér e-h, ekki spurning.

Mér finnst allir vera að fara út núna í febrúar, mars og apríl, alveg 7 fyrir utan foreldra mína, með þeim eru það 8. Ætli ég verði ekki bara ein eftir á Íslandi. Nei mér finnst alveg frábært þegar fólk getur gefið sér tíma og hefur fjárhagslegt svigrúm til að leifa sér svona. Þá á maður bara að skella sér og hafa gaman af. Ég er alveg að smitast af þessari útlandabakteríu, langar að skella mér í smá helgarferð. Ég fer samt út í sumar með börnin, hugsa ég láti það nægja. Það er mitt mótefni við þessarri bakteríu........

Jæja elskurnar ætla fara sofa svo ég vakni á æfingu. Ég var svo mygluð á föstudaginn, ég held ég hafi verið ennþá með koddafarið á kynninni eftir nóttina, og stýrurnar í augunum þegar ég mætti á brettið föstudagsmorguninn. Ætla ekki að láta það gerast aftur......... Þannig ég býð ykkur góða nótt elskurnar.

Fimmtudagur 15. Febrúar. 2007

Hæ elskurnar

Til hamingju með daginn í gær, elllllsku dúllurnar mínar. Ég fékk 13 bleikar rósir ligga, ligga, láááiii, ÉG ELSKA RÓSIR. Eruði alveg að fara úr límingunum,  að fá að vita frá hverjum þær voru. Ooohhh það er nú alveg greinilegt að ég er ekki eina forvitna manneskjan á Íslandi.................. Þær voru frá henni Hildi vinkonu minni, hún var svo sæt að koma með þessar yndislegu rósir, þegar hún mætti til mín í saumaklúbb í gær. Ég er búin að horfa á þær svona 770 sinnum í dag, ég elska Rósir.

Mikið rosalega var gaman hjá okkur í saumaklúbbnum í gær, borðuðum kræsingar eins og við gátum í okkur látið og blöðruðum eins og það væri engin morgundagur. Við Hildur vorum e-h að tala um saumaklúbbinn í þjálfun á þriðjudaginn. Hemmi heyrði að sjálfsögðu til okkar og spyr hverjar séu með okkur í saumó, ég sagði honum það, þá kom bara löng þögn hjá honum......... Sagði svo,he, he vá maður, saumaklúbbur dauðans...... Hann hefur verið með 5 af okkur í þjálfun, veit alveg hvað við getum haft hátt, blaðrað mikið og útí hvað umræðuefnið getur farið, svo ég segi nú ekki meir........

Þetta var nú meiri hoppi skoppi þjálfunin í morgunn. Við hoppuðum uppá allt og yfir allt sem fyrir finnst á stöðinni, held ég bara, í heilan klukkutíma. Hemmi var semsagt alveg í essinu sínu, þá erum við píndar í botn. Mér finnst frábært að blanda saman brennslu, þol og lyftingaræfingu og ekkert smá gaman. Sykurát gærkvöldsins í saumaklúbbnum hafði að vísu alveg sitt að segja á æfingunni í morgunn. Þvílíkt sem svona sykurát kemur niður á manni, okkur leið eins og við værum tonn á þyngd. Enda var dagurinn í dag tekinn með trompi. Byrjað á geggaðari æfingu og mataræðið uppá 770%............

Jæja þá er það Eurovisioooonnn je, je, je, je, je, Ætla að kíkja í partý og að sjálfsögðu að taka virkan þátt  í símakostningu, frekar en ekki hvað.... Hlakka ekkert smá til......

Jæja elskurnar ætla fara að sofa, góða nótt dúllurnar mínar.....

Mánudagur 12. Febrúar. 2007

Hæ Elskurnar

Helgin var frábær, róleg en frábær. Eins og til stóð þræddi ég búðirnar fyrir sjálfan mig og heimilið. Það var reyndar ekki allt til fyrir heimilið sem ég ætlaði að kaupa, en er væntanlegt, alltaf e-h svona. Keypti samt þónokkuð.  Trítaði mig smá, það er svo nauðsynlegt. Keypti mér geisladiska, fór í heimsóknir hingað og þangað. Við Aníta vinkona fórum út að borða um helgina og á kaffihús í eftirrétt. Lúxusinn var tekinn með trompi þessa helgi. Við vorum í Smáralindinni, það var ekkert smá mikið af fólki og örugglega flest allir sem ég þekki, því ég hitti nánast alla. Ekkert smá gaman.

Á miðvikudaginn verður mikið fjör og mikið gaman. Við stelpurnar ætlum að þrykkja saumaklúbbnum á stað. Ætluðum reyndar að gera það í Janúar, en ekkert varð að því, mikið að gera hjá öllum. Ég ákvað að ríða á vaðið, við ætlum að hittast heima hjá mér og blaðra úr okkur allt vit. Þegar við fórum á jólahlaðborðið í Perlunni, var ekkert smá gaman hjá okkur, við vorum síðustu gestirnir sem eftir voru og hefðum alveg getað verið lengur, ekki vandamálið.

Eurovision næstu helgi, ekki sénsinn Bensinn að ég missi af því. Hef reyndar bara heyrt 3 eða 4 lög, en ekki séns að ég missi af hvaða lag verður valið fyrir Íslands hönd. Að sjálfsögðu mun ég taka virkan þátt í símakosningu, ef það verður í boði. Það er svo gaman að fylgjast með þessu, svo mikil stenming að taka þátt og svona. Tala nú ekki um ef maður er staddur í partý. Já það er meira en líklegt að ég skelli mér í eitt slíkt, það er allavega búið að bjóða mér............

Jæja elskurnar, þjálfun to morrow mr. Zorro........ Góða nótt elskurnar 

Fimmtudagur 8. Janúar. 2007

Hæ elskurnar

Aaaahh ég komst í nudd í gær, mikið rosalega var það gott. En vá ég er með fullt af bólgum og hnútum sem ég vissi ekkert af, nuddarinn sagði bara uss, vá, holy moly yfir þessu öllu saman. Ég nei, nei, ég er ekkert með vöðvabólgu. Það var nú öðru nær, og ekkert smá gargandi sárt. Nú er það bara nuddmeðferð. Á nuddmáli ætlar hann að skafa mig, veit ekkert hvað það er eða þýðir, spyr að því seinna.

Ég get svo svarið það, ég held að íbúðin mín rækti rik. Þegar sólin skín svona, sem er alveg æðislegt, sér maður rikið hjá sér og kámið. OOjjjbara, nú ligg ég á 4 að þrýfa borðlappir, stólfætur, stend á tám og borðum að þrýfa glugga, upp á skápum og út um allt. Það er svo gott að nota sólina til að sjá drulluna inni hjá sér. Svo líður manni svo vel þegar allt er orðið hreint og fínt.

Nú er pabbahelgi framundan. Ætla nota tímann og þræða búðirnar, bæði fyrir sjálfan mig og heimilið. Ég er búin að kaupa svo mikið upp á síðkastið fyrir börnin, nú er komið að mér. Ætla líka að kíkja á nokkrar vinkonur, aldrei að vita nema maður kíki á smá tjútt. Annars er nóg að gerast í félagslífinu hjá mér framundan, ekkert smá gaman...... Ég leifi ykkur að fylgjast með því.

Væri líka alveg til í að skella mér á skíði, þessa helgina, ef það verður opið í bláfjöllum. Þið vitið þá bara af því, ef ég blogga ekki um helgina, eða strax eftir hana. Hef ég skraaapað af mér rassinn í brekkunum, og get ekki setið á honum og bloggað........ Nei, nei maður er enga stund að rifja þetta upp...... Heeeeld ég........

Eruði samt ekki hress? Ég held að það sé nú mál til komið að skella inn nokkrum myndum. Held að nýjustu myndirnar séu frá því í lok desember. ABBABABBBBB og það er komin febrúar. Kippum því í liðinn

Jæja elskurnar, ætla láta þetta gott heita. Góða nótt.......

Þriðjudagur 6. Febrúar. 2007

Hæ elskurnar

Ég var í barnabíó á sunnudaginn. Allt í einu heyri ég Siiillllaaa, það er tekið í axlirnar á mér og áður en ég veit af, er ég í heljarinnar faðmlagi. Þá var þetta Aníta vinkona, ég náði ekki einu sinni að greina á henni andlitið áður en hún knúsaði mig. Vá það var ekkert smá langt síðan ég hafði séð hana, og æðislegt að hitta hana svona óvænt. Náðum að spjalla smá, áður en myndin byrjaði. Hún var að bjóða mér í partý í byrjum Mars. Takk fyrir það, auðvitað mæti ég, ekki spurning. Svo hringdi hún í mig í gær til að staðfesta boðið, dagsetningu og svona.

Við Hildur fórum á í þjálfun í morgun, alveg frábært. Tókum mjög vel á því, við erum búin að breyta æfingunum alveg helling. Erum ekki lengur að taka svona miklar þyngdir eins og við vorum að gera. Sem er pínu skrítið að venjast, að taka mikið léttara heldur en maður getur gert, en fleiri reps fyrir vikið.  Það er fínt að breyta svona til og sé strax góðan árangur. Svo þessar blessuðu fantasíu magaæfingar hans Hemma á bolta, þær gera alveg sitt gagn, fyrir því ver og miður. Og af því þær gera svona mikið gagn, þá gerir maður þær aftur og aftur. NÆSTUM því þeigjandi og hljóðalaust. Það heyrist alltaf í okkur ooohhhh ekki fantasíu magaæfingin..... En svo byrjum við. Æ þetta er svo gaman og gefur alveg ótrúlega mikið, þegar maður sér árangur.

Hvað haldiði, ég komst ekki í nudd í gær. Þurfti að afpannta enn og aftur, önnur tilraun á morgun.

Jæja dúllur ætla fara undirbúa morgundaginn. Góða nótt elskurnar........

Sunnudagur 4. Febrúar. 2007

Hæ elskurnar

Jibbí það er kominn snjór, mér finnst það æðislegt. þá er allt svo hvítt og bjart og hægt að leika sér á snjóþotu með börnunum, þau elska það. Ég ætla líka við fyrsta tækifæri að skella mér á skíði með börnin, höfum ekki gert það áður, en veit að þeim þætti það gaman. Ég ætla sjálf að skella mér með nokkrum vinkonum og rifja þetta aðeins upp, áður en ég fer með börnunum.

Við systur borðuðum saman í gær með börnin okkar. Maðurinn hennar var að vinna, þannig við vorum heima hjá mér og elduðum okkur kjúklingabringu, æðislegt salat, kartöfflur og gráðostasósu. Mmmm þetta var æðislegt. Það var smá afgangur, þannig ég sendi hana heim með það fyrir manninn sinn. Örugglega vel svangur eftir vinnu, greygið......

Áður en systir mín en kom til mín í gær, kíktum við Elís Viktor í blómaval og fengum okkur bleika Túlípana. Já já ég er alveg meðvituð um, hvað ég er bleik, það er uppáhalds liturinn minn, sorry. En það sem ég vildi sagt hafa. Elís Viktor sá kaktus og sagði "mamma, sjáðu, þetta er svona stingublóm, maður verður að passa sig á því. Horfði á mig og stakk puttanum óvart á bólakaf í kaktusinn. Enda heyrðist líka hátt og skýrt AAÁÁÁÁIIII, ég gat ekki annað en hlegið, ég er svo mikil púka mamma.

Eftir að Rannveig og börnin fóru, lékum við Lísa María okkur saman í tölvunni. Ótrúlega gaman, enda var klukkan orðin 1.30, áður en við vissum af, og Elís Viktor löngu sofnaður á gólfinu fyrir framan sjónvarpið að horfa á Shrek.

Það er gaman að segja frá því, það er alltaf talað um í fjölskyldunni minn, hvað það er mikil læti ( orkulega séð) í mér og aldrei lognmolla í kringum mig. Fólkið sem býr fyrir ofan systur mína var að negla hjá sér einn morguninn í vikinni. Þá heyrist í litlu Ísabellu 21. mánaða " mamma Yetta koma" Nei Silla frænka er ekki að koma núna, fólkið uppi er að gera fínt hjá sér. Mér fannst þetta ótrúlega fyndið. Fyrr má nú aldeilis fyrr vera, ef barnið er farið að líka látunum í mér við hamarshögg. Nei hún hefur haldið , ég væri að banka. Ég leifi mér að halda það......

Á morgun verð ég að halda vel á spöðunum. Ég byrja á því að fara í ræktina, bruna svo upp í Hafnarfjörð í nudd, á að vera mætt þangað kl. 11 fer svo í vinnuna, næ í börnin, Elís Viktor í fimleika o. fl. Það er svoleiðis löngu komin tími á að ég fari í nudd. Í 2 ár hef ég reglulega panntað tíma hjá þessum nuddara, en alltaf afpanntað hann aftur. Það hefur alltaf komið e-h uppá sem ég hef ekki getað breytt...... Nú ætla ég..... Ég hlakka rosalega til að fara til hans, hljómaði mjög vel þegar hann sagði mér frá vinnubrögðum sínum. Nú verð ég ekki viðræðuhæf á morgun, ég verð svo afslöppuð eftir nuddið. Ég fór einu sinni í slökun, þetta var á þeim tíma þegar ég var með barnsföður mínum, þegar ég kom heim, var ég greinilega e-h öðruvísi. " Af hverju segir þú ekki neitt? Ertu í fílu? Kom e-h fyrir? Af hverju ertu svona róleg? Ég var í slökun, vá, það er bara skrítið að sjá þig svona rólega" Vitiði, ég skil þetta ekki alveg. Mér finnst ég rosalega róleg og yfirveguð, en veit hinsvegar að ég hef rosalega mikla orku. Svo þegar það er sagt svona við mann, kemst ég ekki hjá því að hugsa, vá hvernig ætli ég virki á fólk..... Iss piss , mér er alveg sama, ég er bara ég...........

Jæja elskurnar, ætlaði bara að sýna ykkur að ég er ennþá með lífsmörkum.......... Góða nótt elskurnar...... HEI, HEI, HEI TIL HAMINGJU MEÐ DAGINN RAKEL MÍN, OG STJÁNI Á MORGUNN ÞÚSUND KOSSAR OG REMBINGSKNÚS....

 

Þriðjudagur 30. Janúar. 2007

Hæ elskurnar

Ég er svo mikil dellukerling, nú er ég alveg að spila út í dellunni. Mig langar svo á snjósleða, ég er að deyja, pannta ferð og fara góður hópur saman. Það væri geggjað stuð. Nú ligg ég líka í öllum blöðum að skoða mótorhjól, var búin að ákveða að fá mér hjól núna í vor. Svo geysist ég á mótorfák, og hræææðist ekki neitt( bara að fíflast, þetta er lag). Ætla samt að reyna standa við það þetta vorið, að fá mér hjól. Ég svaf ekki á næturnar síðasta sumar, mig langaði svo í hjól........ En hvað segiði um að skella okkur á snjósleða fljótlega. Fara góður hópur saman, við gætum þess vegna farið á skíði, ef þið þorið ekki á snjósleða. Allir með kakó og nesti, ótrúlega gaman ekki satt. Það væri samt geðveikt stuð að fara á snjósleða vvuuunnn, vvvuuunnn, vvuunn.

Nú er mér farið að vanta sumarbæklingana fyrir utanlandsferðina í sumar, takk fyrir. Já við börnin ætlum að skella okkur út í sumar. Stendur til að fara stórfjölskyldan saman, höfum aldrei gert það áður. Mamma, pabbi, systkyni, maki/ makar (aldrei að vita hvað verður) og börnin okkar að sjálfsögðu. Hver ætli standi fyrir þessu? Ég? Hvernig datt ykkur það í hug?. Ooohhh hvað ég ætla njóta þess að liggja fáklædd á ströndinni og sóla mig, og fá ekki einu sinni hrollur, á meðan börnin eru að drullumalla við hliðina á mér. Maður er alltaf svo kappklæddur á þessu landi, með trefil næstum allan ársins hring. Uuusss nú verður það bikiní í sumar, ekkert annað sem heitir. Magavöðvar og stinnur rass, nú keppist ég við það, eins og grýla sé með vöndinn sinn á eftir mér.

Jæja elskurnar ætla hætta þessu bulli og fara gera e-h að viti. Góða nótt elskurnar....

Mánudagur 29. Janúar.2007

Alúúúú elskurnar

OOjjjbara hvað ég var andvaka í nótt, held ég hafi ekki sofnað fyrr en undir morgun. Svo þegar klukkan hringdi í morgun, ákvað ég bara að sofa pínu lengur og gerði það. Mætti svo fersk á æfingu og hljóp lengur en ég hef gert í langan tíma, osssaaa gott.

Þessar vikurnar sæki ég Elís Viktor kl:13, 1 sinni í viku út af manneklu. Þetta er ekkert smá pústl. Sem betur fer get ég stundum komið því þannig fyrir, að ég taki börnin með mér í vinnuna. Þannig var það í dag. Ég tók Elís Viktor með mér í vinnuna. Var einmitt með skjólstæðing sem börnunum finnst mjög skemmtilegur. Hann hefur sinn stíl, er með bleikt, blátt og fjólublátt hár. Lísu Maríu finnst það æðislegt og verður alveg dolfallinn í hvert skifti sem hún sér hann. Elís Viktor finnst það ekki eins flott, en finnst æðislegt að hann sé með sítt hár.

Jæja kom vinnudeginum þannig fyrir að hann var bara stuttur í dag, enda með Elís Viktor með mér. Þegar heim var komið hófst Elís Viktor handa við bakstur, ekkert smá duglegur. Börnin voru búin að biðja mig í heila viku, að baka Bananabaruð. Við létum verða að því í dag. Ég þuldi uppskriftina upp fyrir Elís Viktor, hann sá um allt annað. Honum finnst svo gaman að baka og búa til matinn, hann elskar það. Þegar Lísa María var búin í skólanum kom hún heim í volgt Bananabrauð. Vá fagnaðarlætin, þegar hún fann bökunarliktina af brauðinu. það var eins og hún hafi verið að fá geðveika jólagjöf.

Ég gleymi alveg að segja ykkur frá helginni. Ég fór í partý til Ragnheiðar á föstudagskvöldinu, ótrúlega gaman. Þegar ég var að ganga inn, mætti ég vinkonu hennar á bílaplaninu. "Ertu að fara í afmæli til Ragnheiðar? AFMÆLI, Á HÚN AFMÆLI" það var sko ekki verið að segja mér það, bara ég væri boðin í partý. Þegar ég hitti svo Ragnheiði og Tryggva fékk ég að vita, þetta væri ekki afmælispartý úúúfff púfff. Hvað er meira halló en að mæta í afmæli, ekki með gjöf. Ég fylgdist líka alveg sérstaklega vel með þeim sem komu á eftir mér, það kom engin með gjöf sem betur fer.... Á laugardagskvöldinu var ferðinni heitið á Nasa. Ný Dönsk var með ball þar, en beilaði svo á því að lokum. Var í heimsókn í heimahúsi langt fram á nótt, mjög fínt... Þetta var bara alveg stórfín helgi. Takk fyrir mig.... Ég tók myndir um helgina sem ég mun láta inn við fyrsta tækifæri.

Jæja held ég hafi þetta ekki lengra að sinni. Ætla fara dúlla mér e-h, lesa og svo að  sofa. Vakna svo fersk og fín á æfingu í fyrramálið. Góða nótt elskurnar......