Fimmtudagur 25. Janúar.2006

Hæ elskurnar

Haaa haaa haa, ég slapp við ærlega felgingu í morgun. Já flengingu, Hemmi var búinn að segja við mig í þjálfun á þriðjudaginn, að hann myndi taka og leggja mig yfir lappirnar á sér og flengja mig ærlega, ef ég myndi ekki fara sinna mér betur. Honum fannst ég víst frekar þreytuleg á þriðjudaginn. Þar sem Hemmi er mjög orðheldinn maður, datt mér ekki annað í hug en að sinna mér aðeins, enda hefur ekki verið tími til þess upp á síðkastið. Hárið á mér var orðið eins og á tröllkerlingu, og ég sjálf hvít eins og skyr. Ég skellti mér í klippingu, tvo ljósatóma og er eins og ný manneskja. Mikið er nú gott að eiga góða vini sem passa upp á, maður týni sér ekki alveg í önnum. Mér finnst ég svo heppin, að eiga svona marga góða vini og vinkonur sem láta sér annt um mig. Ég er líka til staðar þegar þau þurfa á að halda, stend eins og klettur við bakið á þeim þegar þannig stendur á, þannig á það líka að vera.

Elllsssskurnar mínar, ég er nú ekki alveg hægt. Þið vitið hvað ég er gleymin og þá sérstaklega á nöfn, titla og starfsheiti. Ok gleymin yfir höfuð, ég skal viðurkenna það. Ég á það til að skíra fólk upp á nýtt, fæ þá stundum á móti " ég heiti Bryndís, ekki Ingibjörg". Um daginn fékk ég ábendingu undir eina af nýju myndunum. þá hafði ég gefið Daða hljómanni Svörtu Fatana nýtt starfsheiti og sagt hann væri rótari, sem hann er ekki. Hann er hljóðmaður. Ég vissi það reyndar alveg, hann er alltaf á allri takkaflórunni. Mundi bara ekki starfsheitið. Fyrirgefiði elskurnar, þetta var ekki illa meint og takk fyrir ábendinguna.... Það eru nokkrir búnir að commenta undir myndirnar, ég mun commenta þar líka, á bara eftir að fara í það.

Nú er pabbahelgi framundan. Ó já og ég ætla að skella mér í partý á morgun föstudag, svo er Ný Dönsk er að spila á Nasa á laugardaginn, aldrei að vita nema maður skelli sér þangað. Langt síðan maður hefur heyrt í þeim. Ég held ég hafi meira segja aldrei farið á ball með þeim, man allavega ekki til þess.

Jæja dúllur ætla fara í rúmið svo ég vakni á æfingu. Mætti óvenju snemma í morgun, þannig mun það vera á fimmtudögum hér eftir, sem er bara gott mál. Góða nótt elskurnar

Mánudagur 22. Janúar. 2007

Hæ elskurnar

Það er uppselt á Hlustendarverðlaun fm 95,7, mig sárvantar 2 miða. Ef þið hafið ætlað fara, en komist ekki, skal ég með glöðu geði kaupa miðana ykkar. Okkur Friðriku vinkonu langar rosalega mikið til að fara. Endilega hafið samband við mig ef þið vitið af lausum miðum.

Yessss rútínan er loksins on. Ég fór semsagt á æfingu í morgun á mínum rétta tíma. Markmiðið var að taka þvílíka brennslu með ipot-inn í botni og hlaupa eins og geðveik á brettinu. OOOjjjbarasta hvað ég er í lélegu hlaupaformi. Ég hef ekki hlaupið síðan í lok október, enda fann ég greinilega, að það vantaði töluvert uppá úthaldið sem ég var búin að byggja upp. Mér leið eins og ég væri 400 kílóa flóðhestur að reyna drattast úr sporunum. Innöndunin hjá mér var eins og hjá astmasjúkling í astmakasti, og ég er ekki með astma. Þvílíkt rugl að vera búin að missa úthaldið svona niður. Dagurinn á morgun verður strax betri, ég keyrði svo á púlsinn í morgun. það hjálpar, þá eykst úthaldið. Fyrir 23 október hljóp ég í halla 10, á hraða 9 - 10, í góðan tíma. Í morgun hljóp ég bara í halla 8 í 2 sinnum 5 mínútur, á hraða 9, þangað til ég var alveg að springa. þá lækkaði ég brettið niður og hljóp venjulega og labbaði svo. OOjjj þetta er ömurlegt að vera búin að missa þetta niður. Djöfull skal ég ná þessu upp aftur, ég er alveg brjáluð yfir þessu....  Þrátt fyrir þetta var alveg ótrúlega gott að komast á æfingu. Nú er ég ekki bara með markmið hvernig ég vil vera í vextinum, heldur líka þol markmið, það hef ég ekki haft áður.

Ennþá er ég að reyna baxa við þetta blessaða horn inná baði hjá mér. Ég er að reyna finna lausn, hvernig það nýtist mér sem best. Þetta horn er semsagt við hliðina á baðinu, þar er ég með þvottavélina og þurkarann. Hugmyndin er að láta skápa allan vegginn, semsagt frá baðherbergishurðinni og allan vegginn. Hafa þvottavélina og þurkarann inní skápnum ásamt óhreinaþvottinum, handklæðum, snyrtidót og fl. Ég veit alveg hvernig ég vil hafa hlutina, frá upphafi til enda. En þetta skrattans horn er að drepa mig úr leiðindum. Þvottavélin verður að snúa fram, annars kemst ég ekki inní hana. það gengur ekki upp að þvottavélin snúi fram og skáparnir á hliðarvegg. Plássið á baðherberginu myndi samt nýtast mér best ef ég væri með skápa yfir einn vegg, ég er með frekar stórt baðherbergi eins og þið vitið. Það kæmi líka snyrtilegast út að hafa skápa, af því þvottavélin og þurkarinn eru inná baði. Þetta virkar kannski halló, þegar maður reynir að lýsa þessu, en þetta kæmi mjög vel út....... Ég er alltaf að sjá það betur og betur, ég þarf að fá mér eitt stk. kærasta sem er handlagin og hefur gaman að því breyta og betrumbæta, svona eins og ég. Hvar ætli ég fái eitt stk. svoleiðis?....

Jæja elskurnar nú er ég aldeilis búin að blása. Ef þið hafið lausn með miðana á Hlustendarverðlaunin, endilega látið mig vita. Og ef þið hafið ráð varðandi baðherbergið hjá mér, hlusta ég með opnum eyrum. Góða nótt elskurnar......

Laugardagur 20. Janúar. 2007

Hæ elskurnar

Ekkert smá langt síðan ég hef bloggað, ég verð nú heldur betur að fara taka mig til í andlitinu. Annars hafa aðstæður verið þannig, síðustu 2 vikur að ég hef varla haft tíma til að pissa. Meira að segja hef ég mætt sjaldnar á æfingar en ég er vön. Síðustu 2 ár hef ég mætt 6-9 sinnum í viku á æfingu, en síðustu 2 vikur hef ég mætt 3 í viku á gjörsamlega brengluðum tíma. Þetta hefur aldrei gerst áður, enda heldur óvanalegar aðstæður hjá mér þessa dagana. Þetta er bara tímabundið sem betur fer. Innan skamms verð ég farin að æfa á mínum tíma, með mínu fólki eins og ég er vön. Eins og þið heyrið er ég alls ekki sátt við að æfa svona sjaldan. Mér finnst það alveg glatað og líður frekar illa að hafa ekki komist í ræktina eins oft og ég vildi. Upp á síðkastið hefur bara annað og mikilvægara haft forgang. Mér er samt farið að þysta í gömlu góðu regluna aftur. Vonandi kemst hún aftur á í næstu viku.

Söngskólinn hjá Elís Viktor byrjaði í dag. Hann var búin að telja niður dagana frá því um jólin, honum hlakkaði svo til að fara í söngskólann aftur eftir jólafrí. Þegar við komum svo í söngskólann í dag, ríghéltann um lærið á mér og ætlaði ekki að sleppa. Veit ekki alveg hvaða stælar það voru, hann veit það ekki einu sinni sjálfur.

Jæja nú er ég komin í þennan þvílíka framkvæmdarhug. Baðherbergisinnrétting er næst á dagskrá. Ég er búin að teikna smá uppkast, hvernig ég myndi vilja hafa hana. Á aðeins eftir að úthugsa hana betur, ég er nefninlega með erfit horn inná baði sem ég þarf að hugsa svolítið betur. Ég ætla reyna koma því við í næstu viku að kanna verð og annað. Ekkert smá spennó. Þetta verður dýr pakki, ég þarf líklegar að gera þetta í skömmtum. það er þó betra að gera það þannig, heldur en að láta bráðabyrgða innréttingu sem endar með því að vera, eða eyða langt um efni fram. Það vil ég ekki. Ætla byrja á því að kanna þetta í næstu viku. OOhh ég hlakka svo til, þetta er svo gaman.......

ROSALEGA LANGAR MIG Á HLUSTENDARVERÐLAUN FM. 95,7. EN YKKUR???....

Jæja ætla láta þetta gott heita, góða nótt elskurnar....

Mánudagur 15. Janúar. 2007

Hæ elskurnar

Nei ég er ekki dauð eða hætt að blogga. Það hefur bara verið alveg ótrúlega mikið að gera hjá mér, og ekki getað gefið mér tíma í að setjast niður og blogga. Ég á meira segja eftir að láta fleiri myndir inn til að sýna ykkur. Þetta gengur nú ekki alveg hjá mér, er það nokkuð?

Við Hildur tókum þrusugóða æfingu í morgunn, rass og fætur. Ég á ekki eftir að geta gengið á morgun, mér er strax orðið það nokkuð ljóst, þá er nú mikið sagt. Mér finnst svo æðislegt að hafa strengi. Því meiri, því betra, þá finnur maður svo vel fyrir sér OOSSSAAA gott.

Við Elís Viktor fórum út að borða um daginn. Ég keypti handa honum barnabox, þá fylgir dót með það er svo mikið sport. Jújú hann fékk þennan æðislega kappakstursbíl, en við þurftum að föndra við að láta límmiða á bílínn. Ekkert mál með það. Ég hef greinilega verið e-h einbeitt við þetta, því þegar ég leit upp voru tveir ótrúlega myndarlegir strákar á aldri við mig, að fylgarst með mér föndra við að líma þessa blessuðu límmiða á bílinn. Þeir skemmtu sér greinilega mjög vel að fylgjast með þessu hjá mér, því þegar ég leit á þá, voru þeir brosandi út að eyrum. Jeeepppsss Þegar maður er einstæð móðir gengur maður í öll verk, sama hvort það er að líma límmiða á bíla, eða kenna pissa standandi. Segiði svo að við konur getum ekki hlutina, við getum þá VÍST. Við getum gengið í allt alveg sama hvað það er, það geri ég alavegana, stoppa ekki fyrr en ég get hlutinn......

 Jæja elskurnar ætla halda áfram með daginn, heyri í ykkur.

Sunnudagur 7.Janúar.2007

Hæ elsku dúllurnar mínar

Ég ætla ekki að hafa þetta langt blogg, þar sem ég ætla fara í að hlaða 45 myndum inn á bloggið. Það á eftir að taka góðan tíma. Veit ekki alveg hvort ég klári það í kvöld, en þá held ég bara áfram á morgun.

Við börnin fórum í heimsókn til  Elísabetar og Glenn í gær. Þau klöppuðu meira segja fyrir mér, þegar ég sagðist vera búin að fá nóg af því að vera ein, þetta er tilfining sem ég fór að finna fyrir í vikunni sem leið. þau voru ekkert smá ánægð að heyra það. Já, nú er ég búin að fá hundleið á að vera ein, enda búin að vera það í tvö og hálft ár. Glenn var líka búin að vera á lausu í tvö og hálft ár áður en þau Elísabet byrjuðu saman. Við vorum alveg sammála um að, það er nauðsynlegt að vera einn í e-h tíma þegar maður skilur eftir svona langt samband. Vinna í sjálfum sér og fá útrás. Líka svo maður sé ekki að draga gamla drauga í nýtt samband. Svo kemur að þessum tímapunkti sem ég er stödd á núna, að vera tilbúin að tengjast einhverjum aftur. Að eiga bara svona kærasta, ekkert að búa saman strax eða neitt. Fara bara öðru hvoru í bíó, út að borða, fara tvö saman í sumarbústað og svoleiðis, þegar börnin eru hjá pabba sínum. Maður verður líka að passa að vera ekki of lengi einn. Vinkonur mínar sem skildu á svipuðum tíma og ég, eru báðar komnar í sambönd, og töluvert langt síðan. Nú er ég tilbúin að stíga næsta skref. þetta er samt svolítið flókið mál, hugur, hjarta, skynsemi. Reynum þetta, það er ekki endalaust hægt að halda í vonina, sem er búið að loka á. Þá staðnar maður bara í lífinu, það vil ég ekki.

 Loksins heyrði ég lagið sem minnir Elísabetu svo á mig. Ég hafði aldrei heyrt þetta lag áður, en heyrði það í fyrsta skifti í gær hjá Elísabetu og Glenn. Þetta lag heitir "Prins" Regína Ósk syngur það, og er eins og talað út úr mínu hjarta, ekki nema von það minni hana á mig............... það var ótrúlega langt síðan við höfðum farið í heimsókn til Elísabetar og Glenn. Enda þegar ég nefndi við börnin, að fara í heimsókn til þeirra, öskruðu þau bæði í kór "jjjjáááá förum til þeirra". Aumingja Elísabet varð heyrnalaus á báðum, hinumegin á línunni Engin smá spenningur að fara hitta börnin, Elísabet á 3 og ég 2 eins og þið vitið. Núna hugsiði örugglega, vá lætin sem hljóta hafa verið, 5 börn. Nei það er sko öðru nær. Börnin ná svo vel saman, það er engu líkara en það sé 1 barn að leika sér ínní herbergi. Alveg frábært. Skiftir okkur Elísabetu miklu máli, þar sem við erum búnar að vera bestu vinkonum frá 9 ára aldri.

Jæja ætla fara hlaða inn myndum. Góða nótt elskurnar........

Smá innskot...... Núna er klukkan að ganga tólf. Ég var að kveðja eina stelpuna sem ég er með í persónuráðgjöf. Við fórum á ÆÐISLEGA STELPUMYND, auðvitað var það myndin The Holiday. En uuuuhhhhuuuu mig langar líka í svona kærasta. Þessa dagana er ég að drukna í rómantík, ég er rómantísk að eðlisfari og hef mikið að gefa. En eftir þessa mynd varð sprenging. Ég mun ekki hlaupa á brettinu á morgun eins og ég ætlaði mér, ég mun svífa á því, í einhverjum draumaheimi. Nú langar mig ennþá meira í kærasta......... Ég veit ég er biluð, þannig er það bara, og ég er svoooo sátt við það. Góða nótt enn og aftur.

Miðvikudagur 3. Janúar.2007

Hæ elskurnar mínar

Myndirnar, myndirnar, myndirnar þær eru á leiðinni. Þegar ég ætlaði að hlaða inn myndunum í gær, komu til mín gestir sem fóru seint og síðarmeir, það var svo gaman hjá okkur. Í dag er svo búið að vera frekar mikið að gera, þannig ég hef ekki getað gefið mér tíma í að hlaða inn myndunum. Vona að ég komist í þetta á morgun. Ég lofa að reyna gera þetta sem fyrst.

Gleymdi að segja ykkur frá því, ég hitti Huldu sem ég var með í Kennaraháskólanum á Nasa á laugardaginn. Við vorum alltaf 4 sem unnum saman, ef það voru 2 manna verkefni, þá vorum við Hulda alltaf saman í öllum verkefnum í 2 ár. Svo fórum við í dagskólann, þá tvístraðist hópurinn. En í 2 ár hingdum við Hulda 770 sinnum á dag í hvor aðra út af verkefnum. það eru endalaus hópverkefni í Kennaraháskólanum, en þetta var skemmtilegur tími. Það voru miklir fagnaðar fundir þegar við Hulda sáumst á laugardaginn, rosalega gaman að sjá hana.

Guð minn góður, ég skammaðist mín ekkert smá mikið í gær. Þegar ég hitti strák sem bauð mér út að borða fyrir nokkrum mánuðum á rosalega fínan veitingarstað. Spjölluðum um allt á milli himins og jarðar, ótrúlega gaman hjá okkur. Nema hvað, þegar ég hitti hann í gær gat ég ómögulega munað hvað hann hét. Minnið mitt er ekki upp á marga fiska eins og þið vitið, en halló. Hann komst reynar ekki að því, þar sem ég þurfti ekki að nota nafnið hans, sem betur fer. En ég skammast mín ekkert smá, ég man ekki ennþá hvað hann heitir. Ég er nú ekki alveg hægt.

Jæja ætla fara sofa svo ég vakni í ræktina. Ætla reyna gefa mér tíma í að hlaða inn myndunum á morgun, þið verðið bara vera dugleg að kíkja og ath hvort þær séu komnar........................... Góða nótt elskurnar.

Þriðjudagur 2. Janúar.2007

Hæ elsku dúllurnar mínar

Ég er búin að millifæra inn á ykkur 365 daga fulla af heppni, gleði, ást, hamingju og heilbrigði fyrir árð 2007. Gleðilegt ár elsku dúllurnar mínar, rembingsknús og .

Vá hvar á ég að byrja? Síðasta helgi var pabbahelgi, ég fékk börnin samt á gamlársdag í staðin fyrir á mánudeginum eins og vanalega. Af því þetta var pabbahelgi, þá var ég heima í fílu með grýlu alla helgina. Nei ég er að fíflast, það var sko öðru nær. Ég fór út á tjúttið bæði föstudag og laugardag, eins og þið vitið væntanlega, er það ekki? Við vorum náttúrlega öll á sömu stöðunum ekki satt? Á lokaböllunum hjá Svörtum fötum. Ég held ég hafi aldrei svitnað eins mikið á balli, eins og á föstudaginn. Það var engu líkara en ég væri að koma af góðri brennsluæfingu, samt gat ég varla hreyft á mér rassgatið það var svo stappað á ballinu. Það var samt sem áður alveg ágætt. Ég fór með Ellý vinkonu á föstudaginn, við vorum í partý hjá Önnu systir hennar áður, ótrúlega gaman og fórum svo nokkur saman á ballið, aðrir urðu eftir.

Á laugardeginum fór ég í búðarleiðangur í von um að finna mér kjól. Ég fann einn alveg geðveikan í vero mota. Var ekki lengi að kaupa hann, enda bara einn eftir í mínu númeri.  Um kvöldið fór ég svo á Nasa með Friðriku vinkonu. Byrjuðum á að fara í einkapartý sem í Svörtum fötum var með á efri hæð Nasa. Ég ætlaði ekkert að fara þangð, en þar sem Friðrika vinkona stormaði upp og kom ekki til baka, labbaði ég á eftir henni eins og hundur í bandi og sé ekki eftir því. Eftir partýið fórum við niður og þá byrjaði ballið, við vorum afskaplega duglegar á dansgólfinu á milli þess sem Friðrika henntist á barinn. Við hittum vin Friðriku sem var í feiknar góðu stuði og miðhlutinn á honum líka, það var ekki hægt að finna fyrir öðru.

Gömlu karlarnir eru greinilega farnir að færa sig yfir Nasa. Hvað er með mig og þessa gölu karla? Það er engu líkara en ég lýsi rauðu ljósi, HÆ! ÉG ER HÉR. Get svo svarið fyrir það. Friðrika losaði okkur við hann, með snilldar aðferð. Hún var annars alveg í essinu sínu að finna karlmann fyrir mig. Einn kom alveg 3 sinnum, Friðrika var nefninlega búin að segja, hann yrði að vera aðgangsharður við mig, ég væri svo feimin. Hún er svo mikið kvikindi. Ég er ekki feimin, nema bara við einn vissan aðila, OG ÉG ÞOLI ÞAÐ EKKI. Ég yrði brjáluð ef ég væri alltaf svona feimin, það er svo pirrandi. Maður er þá svo til baka og orkan manns svo lokuð. þegar hún einmitt þarf að vera opin. Rugl er þetta. Fyrir mitt leiti, finnst mér ekki heillandi þegar strákar eru feimnir og til baka, svo er ég svoleiðis sjálf. UUUUSSSSSS þetta gengur ekki, enda ætla ég að vinna í þessu, þvílíka ruglið að vera svona. Að getað talað við alla, og verið maður sjálfur og fíflast, eins og mér einni er lagið við alla, nema þennan aðila, þetta er bara kjánalegt.  Ég er byrjuð að vinna í þessu. Hann tekur samt örugglega ekkert eftir þessu, það er bara ég sem finn þetta. En gæti virkað á hann sem köld og fráhrindandi eða óörugg með mig. Er það ekki þannig sem maður heillar strákana upp úr skónum. Nei þetta fer rosalega í taugarnar á mér, af því ég er svo innilega ekki svona, eins og þið vitið sem þekkið mig. Þetta er örugglega líka bara vörn hjá mér. Ég er að vinna í þessu, að vera góð við hann líka, eins og alla aðra. En við Friðrika skemmtum okkur alveg ógeðslega vel, frá upphafi til enda að sjálfsögðu.

Á Gamlárskvöl, oohhh sáuði, veðrið var alveg kyrrt og stjörnubjartur himininn, æðislegt. Við börnin fórum í matarboð til mömmu og pabba. Þar vorum við systkynin öll saman komin ásamt maka og börnum. Við Jói bróðir og börnin keyrðum á milli brenna, fórum svo á þá síðustu, sem var á gömlum æskuslóðum. Mér var svo kalt, ég stóð nánast inní brennunni. Jói bróðir sagði bara dísess kræst, hvað þú þolir mikinn hita. Hann stóð svolítið frá mér, alveg soðinn. Eftir brennuna keyrðum við um gamla hverfið sem ég bjó í þangað til ég var að verða 9 ára. Börnin elska að hlusta á sögur, frá því ég var lítil, hvar vinkonur mínar bjuggu, í hvaða skóla ég var, hvar ég lék mér og fleira. Svo að sjálsögðu var gamla árið kvatt, og nýja árinu fagnað með flugeldum og stjörnuljósum. Einhvernvegin legst árið 2007 alveg rosalega vel í mig, vonandi ykkur líka

Jæja ætla fara drýfa í að hlaða inn myndum fyrir ykkur. Ég held ég verði að eyða slatta af öðrum myndum til að koma þessum fyrir, þetta er svo mikið. Heyri í ykkur elskurnar

 

Fimmtudagur 28. Desember.2006

HÆ ELSKURNAR MÍNAR

Ef þetta hafa ekki verið föndurjól með börnunum mínum, þá veit ég ekki hvað það er. Við erum búin að vera perla, búa til sápur, lita, þræða hálsmen og armbönd og margt fleira. Ég hafði börnin í fríi úr skólunum á milli jóla og nýárs. það er svo nauðsynlegt fyrir þau, eins og okkur að fá frí, og hlaða batteríin.

Annað, við fórum á jólaball í dag, ekkert smá gaman. Ég fékk koss frá jólasveininum, ekkert smá heppin. Lísa María sagði, mamma af hverju kyssti jólasveinninn þig? Hann kyssti allar mömmur, af því hann elskar þær allar. Glaðlyndur jólasveinn, hann hurðaskellir. Mér fannst ég kannast við augnsvipinn hans, en kom honum ekki fyrir mér. Óþolandi þegar það gerist, þá hugsar maður endalaust. Hver var þetta? ( Annar en hurðaskellir)

Annað, Elís Viktor er farin að hlakka ótrúlega mikið til, að byrja aftur í söngskólanum. Hann er alltaf að spyrja mig. Mamma hvað eru núna margir dagar þangað til ég byrja í söngskólanum?. Hann fílar þetta alveg í botn og saknar þess mjög mikið að fara í söngskólann. Hann byrjar aftur í janúar eftir jólafrí jibbbííí.

Á morgun er föstudagur og allir út á tjúttið ekki satt. Það þýðir ekkert að hanga heima með einhverja kótilettu stæla. Nei, nei það er ekki í boði þessa helgi, því það er nóg að gerast, alla helgina. Í Svörtum Fötum verður í banastuði bæði föstudag og laugardag, á Players föstudag og Nasa laugardag. Þvííílíkir stuðboltar, það verður ekki af þeim tekið. Ef þið hafið ekki farið á ball með strákunum hingað til, eru síðustu tækifærin þessa helgi, svo eru þeir hættir. Þeir eru orðnir svo gamlir, gráir og guggnir, orkan alveg búin og geta ekki meir. Nei ég er að fíflast. Þeir eru búnir að vera á stöðugri keyrslu í 7 eða 8 ár, lengsta fríið sem þeir hafa tekið sér eru 3 vikur. SPÁIÐI Í ÞVÍ. Þetta held ég að engin íslensk hljómsveit hafi gert, klöppum fyrir því.

Gleymi aldrei þegar ég sá þá í fyrsta skifti í myndbandi fyrir svona 5-6 árum. Barnsfaðir minn var að horfa á sjónvarpið, ég var að skifta á Lísu Maríu minnir mig, sem er núna 7 ára. Hann kallar á mig og segir Silla komdu og sjáðu, það er einhver ný íslensk hljómsveit í sjónvarpinu. Ég fer og kíki, þá voru þetta strákarnir í Svörtum Fötum,og Jónsi alveg á útopnu í myndbandinu Nei vááá hvaða rokkarar eru þetta? Ég veit það ekki segir barnsfaðir minn. Á þessum tíma var ekki hlustandi á íslenska tónlist, að okkur fannst. Við komum alveg af fjöllum þegar við sáum þessa rokkara. Svo sagði ég, mig langar einhvern tíman að fara á ball með þessari hljómsveit, síðan liðu 3 eða 4 ár. Var svo stödd í afmæli fyrir 2 árum og leiðin lá á Nasa, þar sem hljómsveitin í Svörtum fötum var að spila. Já, er það en gaman, mig hefur lengi langað að sjá þessa hljómsveit á balli.......... Hafði heyrt eitt eða tvö lög með þeim áður og séð þetta eina myndband. Ég fílaði þá í botn á ballinu, ég vissi ekki hvert ég ætlaði þegar þeir tóku Rammstein og fleira rokk sem ég fíla í frumeindir. Síðan þá hafa böllin verið nokkur.

Annað, ég er að gleyma segja ykkur frá því. Ég fór í neglur í dag. VITIÐI HVAÐ????? Stelpan sem lagaði á mér neglurnar, OG TAKIÐI VEL EFTIR, HÚN HÉLT ÉG VÆRI 23 ÁRA. Ligga, ligga láááiiiii. Hún ætlaði ekki að trúa, ég væri 31 árs. Ég var að tala um aldurinn á börnunum mínum, þá spyr hún. Bíddu hvað ertu eiginlega gömul? Hún spurði mig aftur hálftíma síðar, ertu í alvörunni 31 árs.

Jæja elskurnar, ætla láta þetta gott heita. Gangiði hægt í gegnum gleðinnar dyr. Fariði ykkur ekki að voða, svona í árslok. Er ég ekki einstaklega móðurleg. Jæja ætla fara sofa svo ég vakni á æfingu, ætla svo að kaupa flugelda.  Góða nótt elskurnar

Þriðjudagur 26. Desember.2006

Hæ elskurnar mínar

Vona að þið hafið haft það gott um jólin, ég er búin að hafa það rosalega gott. Á tímabili sönglaði í hausnum á mér, silla datt í ísboxið hæ, fadi, rí, fadi, ra la la. MMMM ég elska ís og græna þríhirnda mackintosh's- ið, hefði alveg geta breyst í þetta á Jóladag. Já Jóladag, ekki Aðfangadag. Ég var svo lengi södd á Aðfangadag eftir þetta þunga kjöt, að ég hafði ekki meira pláss. Ég bætti nammi missinn upp á jóladag. Ég var stödd hjá mömmu og pabba ásamt systkynum mínum, allir að hrúga í sig konfekti. Ég bað Ísabellu systurdóttur mína sem er 18 mánaða, að fara fram í eldhús til afa(pabba) með fulla skál af tómum konfektbréfum og láta afa losa hana. Pabbi segir, nei,nei hver er búin að borða svona mikið? Litla skottan hún frænka mín, sem var stödd inní eldhúsi og ég inní stofu, segir hátt og skýrt svo það heyrðist um allt, og með sérstakri áhersku, YETTA (frænka, semsagt ég) Það sprungu allir úr hlátri, þvílíka áherslan. Ég var samt ekkert ein um þetta, langt því frá.............

Að sjálfsögðu var svo mætt á æfingu í morgun, og á morgun líka, eins og flesta aðra daga.

Annað, ætliði að strengja áramótaheit? Ég gerði það í fyrra og stóð við það. Annars var ég hætt að strengja áramótarheit, því þau gengu aldrei upp hjá mér. Svo prófaði ég aftur í fyrra. Þetta er bara að setja sér markmið og fylgja þeim eftir, þá skiftir máli að hafa þau raunhæf, til að geta, fylgt þeim eftir. Ég hafði alltaf haft þau svo stór og mikil og flaug á hausinn með allt saman og ekkert gekk upp. Svona getur þetta verið ef maður er einum of kappsamur, eins og ég er stundum. Að setja sér markmið, er ekki bara að setja sér markmið. Maður þarf að kunna að setja sér markmið og til þess þarf sjálfsþekkingu, til að vita hvað maður getur.  Þá setur maður markmiðið aðeins hærra. Maður hjakkar ekki í því sem maður kann og getur. Setur markið hærra og stundum mikið hærra, af því við ætlum áfram í lífinu, ekki satt? Hversu hátt við getum sett markið, fer eftir hversu góð við erum orðin í að setja okkur markmið og fylgja þeim eftir. Þetta þarf að læra. Mér tókst að læra þetta, þá er nú mikið sagt. Ég get nefninlega verið svoddan ótemja, og er stundum langt á undan sjálfri mér.

Annað, ég fékk dvd diskinn með George Michael í jólagjöf. Vááá að hlusta á gömlu Wham lögin aftur, það er alveg æðislegt. Auðvitað hélt ég uppá Wham hvernig spyrjiði. Við vorum nokkur sem héldum uppá Wham. Flestir héldu upp á Duran Duran, svo var alltaf þvílíkur metingur á milli. Mér finnst alveg æðislegt að hafa fengið þennan disk,  gaman að eiga hann og sjá gölmu góðu Wham myndböndin, ó mæ gat. Duran Duran hvað?. Á þssum disk er það helsta sem hefur staðið uppúr hjá George Michael á ferlinum, hvort sem hann var einn eða í Wham. Ég tek það fram, ég er ekki svona píkupoppari í dag. Ég hef verið rokkari síðan ég var 13 ára og er ennþá. Einhverjum myndi nú bregða, ef þið heyrðuð lögin sem ég er með á ipod-inum mínum í ræktinni. Það er sko kallað rokk og ekki nokkur leið að drolla með það í eyrunum.

Jæja dúllur, ætla hætta þessu blaðri og láta þetta gott heita. Góða nótt elskurnar.

Laugardagur 23. Desember.2006

Hæ elsku yndislegu dúllurnar mínar. Ég ætla ekkert að blogga í kvöld. Bara rétt að óska ykkur gleðilegra jóla. Jú það má kannski segja frá því, við börnin kíktum til Sigga og Friðriku í kvöld. Í þetta skifti mundi ég eftir að fara með myndavélina mína. Þið hafið alveg örugglega tekið eftir því, ég hef ekkert verið að láta myndir inn, upp á síðkastið. Ástæðan er sú , ég er ekki búin að vera alveg sátt við myndavélina mína. Mér hefur fundist myndirnar ekki koma nógu vel út. Nú er Siggi búinn að stilla vélina fyrir mig, og ég búin að læra heilan helling á hana. Ekkert smá sniðug vél, þegar maður áttar sig á henni. Ég var bara búin að fikta svo mikið í henni, að hún var öll komin úr skorðum. Ég var búin að stilla e-h hringingu á henni sem hringdi alltaf um 2 á nóttunni. Veit ekkert hvernig ég fór að því. Eins og þegar ég setti tölvuna hjá mömmu og pabba yfir á þýsku um daginn. Veit ekki heldur hvernig ég fór að því. Ég var bara að fikta og allt í einu var tölvan komin yfir á þýsku.

En nú er myndavélin orðin aftur eins og ég vil hafa hana, þannig nú fariði að sjá myndir aftur. Ég tek það fram, ég er ekki svona með öll rafmagnstæki. Ég stilli sjónvörp, video, dvd, digital island og önnur rafmagnstæki, eins og ekkert sé. Fyrrverandi tengdafjölskyldan mín hringdi í mig, alveg hægri, vinstri á meðan ég var með barnsföður mínum, og bað mig um að stilla hin og þessi tæki fyrir sig. Ég hef bara aldrei lagt mig fram við að læra neitt á tölvur, nema bara það nauðsynlegasta og aðeins út fyrir það, annað ekki. Með myndavélina, þá er ég ennþá að læra á hana. Það er svo mikið af fídusum á henni sem ég hef verið að reyna átta mig á, ég fékk góða kennslu í kvöld.

Jæja elskurnar, alltaf tekst mér að blaðra heilan hellin, þó ég ætli að hafa stutt blogg. Þið eruð svona eins og maðurinn minn, sem ég sest niður með að loknum vinnudegi. Börnin komin í ró, svo ræðum við það sem hefur gerst um daginn og það sem framundan er. Nema hvað, í þessu tilfelli er það bara ég sem blaðra, og þið mótmælið aldrei.

Jæja elskurnar, nú fer jólasveinninn að koma og láta fínu lokagjöfina í skóinn hjá börnunum. Síðasta gjöfin ef alltaf lang veglegust. Svo síðustu jól tók ég upp nýjan sið, sem ég ætla að viðhalda. Þetta er í annað sinn sem ég geri það, að hafa möndlugraut og möndlugjöf fyrir þann sem finnur möndluna í grauttnum. Síðustu jól var bók í möndlugjöf og verður það líka núna. Ég hugsa ég muni viðhalda því, að hafa bækur ár eftir ár. Það koma svo mikið af vel skrifuðum og virkilega fallega myndskreyttum barnabókum, fyrir hver jól. Börnum finnst alltaf skemmtilegt að hlusta á skemmtilegar bækur. Tala nú ekki um þegar maður leikur þær með hljóðum og röddum í leiðinni. Núna í ár kaypti ég bók eftir Brian Pilkington. Hann er ótrúlegur barnabókasnillingur, og myndirnar eftir hann eru ótrúlegar. Þegar ég var í Kennaraháskólanum kom hann og spjallaði við okkur um bækurnar sínar og myndskreytingarnar. Hann er mjög oft fengin til að myndskreyta fyrir hina og þessa barnabókahöfunda. Ef ég gef einhvern tímann út mína barnabók, má hann alveg skreyta hana, ekki málið.

Jæja mínar nú er ég hætt, ég held alltaf áfram. Hafiði það rosalega gott á morgun, það ætla ég að gera. Góða nótt elskurnar, gleðileg jól, innilegir kossar og knús til ykkar allra, og sérstaklega þín.....